James Rosenquist

James Rosenquist

Biografía
Nacemento	29 de novembro de 1933 Grand Forks, Estados Unidos de América
Morte	31 de marzo de 2017 (83 anos) Nova York, Estados Unidos de América
Causa da morte	morte natural
Outros nomes	Rosenquist, James Albert
Educación	Universidade de Minnesota Minneapolis College of Art and Design (en) Liga de Estudantes de Arte de Nova York Roosevelt High School (en)
Actividade
Lugar de traballo	Região Metropolitana de Minneapolis-Saint Paul (pt) Nova York Kansas City Aripeka (en)
Ocupación	pintor, gravador, artista visual, escultor, fotógrafo, deseñador, artista
Membro de	Academia Estadounidense das Artes e as Letras Academia das Artes e das Ciencias dos Estados Unidos Coenties Slip (en)
Xénero artístico	Arte abstracta e arte figurativa
Movemento	Arte pop e Expresionismo abstracto
Representante	Artists Rights Society
Participou en
27 de xuño de 1968	Documenta 4
Obra
Obras destacables (1973) Paper Clip (en)
Premios
Florida Artists Hall of Fame (en)
Descrito pola fonte	UbuWeb Obálky knih,
Sitio web	jimrosenquist-artist.com

James Albert Rosenquist, nado en Grand Forks o 29 de novembro de 1933 e finado en Nova York o 31 de marzo de 2017, foi un pintor estadounidense. Foi un dos pioneiros da arte pop. Coñecida pola xustaposición de imaxes montadas en grandes paneis, unha das súas principais obras é Time Dust, de 1992, un gran mural, de 2 metros de alto e 10 de longo.

Traxectoria e obra

James Rosenquist creceu como fillo único. Os seus pais, Louis e Ruth Rosenquist, de orixe sueca, trasladáronse de cidade en cidade en busca de traballo, e finalmente instaláronse en Minneapolis. A súa nai, ela mesma pintora, fomentou o interese artístico do fillo. Rosenquist gañou unha bolsa a curto prazo para estudar na Minneapolis School of Art. O pintor estudou máis tarde na Universidade de Minnesota de 1952 a 1954. En 1955, con 21 anos, grazas a unha bolsa, trasladouse a Nova York para estudar na Art Students League. En 1960 trasladouse a Coenties Slip, tamén en Nova York, onde compartiu estudo co artista minimalista Charles Hinman.

Rosenquist traballaría como artista publicitario. Influenciado polo seu oficio, nos grandes formatos, a súa percepción da realidade cambia e serve de inspiración para a creación de cadros monumentais, moi coloridos, auténticos “fragmentos da realidade”.

Moitos dos cadros de Rosenquist están inspirados na publicidade. Durante a retrospectiva organizada pola Fundación Guggenheim en 2004 expuxéronse os collages preparatorios do artista. Estes collages están tomados principalmente de anuncios de tabaco, coches ou bebidas.

O pintor, que loitaba contra unha enfermidade non revelada, faleceu o 31 de marzo de 2017, aos 83 anos.

Coleccións públicas

Rosenquist está representado nalgúns dos principais museos do mundo, incluíndo o Metropolitan Museum of Art de Nova York, o Museum of Modern Art de Nova York, o Museum of Contemporary Art dos Ánxeles, o Centre Georges Pompidou de París, a Tate Modern de Londres e o Moderna Museet de Estocolmo.