Jambaló
| |||||
| Localización | |||||
|---|---|---|---|---|---|
| |||||
| Estado | Colombia | ||||
| Departamento | Cauca  | ||||
| Poboación | |||||
| Poboación | 19.482 (2025) (76,7 hab./km²) | ||||
| Xeografía | |||||
| Superficie | 254 km² | ||||
| Altitude | 2.507,4 m | ||||
| Creación | 23 de agosto de 1770 | ||||
| Identificador descritivo | |||||
| Fuso horario | |||||
| Sitio web | jambalo-cauca.gov.co… | ||||
.svg)
Jambaló é un concello e resgardo indíxena de Colombia que se atopa no departamento do Cauca. Segundo o censo de 2025, tiña unha poboación de 19.482 habitantes.[1] Atópase ao nordeste do departamento do Cauca, a 80 quilómetros da cidade de Popayán (a capital do departamento). Limita polo norte cos concellos de Caloto e Toribío, polo leste co concello de Páez, polo sur co concello de Silvia e polo oeste cos concellos de Caldono e Santander de Quilichao. A cabeceira municipal é o centro urbano máis poboado do territorio e tamén se chama "Jambaló"; atópase no extremo sur, sobre os límites co concello de Silvia; porén, na área rural é onde habita a maior parte da poboación (89,3%[2]).
Ao ser Jambaló tamén resgardo indíxena, o 97,7%[2] dos seus habitantes son das etnias nasa e misak, e cando menos unha terceira parte dos habitantes fala as linguas nasa yuwe e namtrik. Como resgardo indíxena foi estabelecido en 1702 cando o cacique Juan Tama de la Estrella estabeleceu os límites do territorio, logo de recibir o título de mans do vicerrei de Quito. O 12 de xullo de 1904, baixo a ordenanza número 38 da Gobernación do Cauca, foi erixido municipio.
División político administrativa
[editar | editar a fonte]O territorio divídese en 35 vereas e 4 barrios (área urbana), as cales á súa vez se agrupan en tres zonas: alta, media e baixa.
Zona alta
[editar | editar a fonte]Está conformada pola área urbana (que abrangue os barrios Santa Rosa, Las Dalias, El Centro e Olaya Herrera) e as vereas Bateas, Campo Alegre, Ipicueto, La Laguna, Loma Gorda, Loma Larga, Loma Pueblito, La Odisea, Monterredondo, Nueva Jerusalén, Paletón, Pitalito, San Antonio, Solapa e Zumbico.
Zona media
[editar | editar a fonte]Está conformada polas vereas: Barondillo, Nueva Colonia, Chimicueto, El Epiro, El Maco, Ullucos - Picacho, El Tablón, Guayope, La Marquesa, Buenavista, La Mina e El Trapiche.
Zona baixa
[editar | editar a fonte]Está conformada polas vereas: El Carrizal, La Esperanza, Loma Gruesa, La Palma, El Porvenir, Loma Redonda, Valles Hondos, Vitoyó e El Voladero.
Notas
[editar | editar a fonte]- ↑ "Censo 2018 - Población ajustada por cobertura". Departamento Administrativo Nacional de Estadística (DANE). Consultado o 24 de decembro de 2023.
- 1 2 Oficina Asesora de Planeación Municipal - Alcaldía de Jambaló
