Jacinda Ardern

Na Galipedia, a Wikipedia en galego.
Saltar ata a navegación Saltar á procura
Jacinda Ardern
Jacinda Ardern, 2018.jpg
Nacemento26 de xullo de 1980
 Hamilton, Nova Zelandia
NacionalidadeNova Zelandia
RelixiónAgnosticismo
Alma máterUniversity of Waikato e Morrinsville College
Ocupaciónpolítica
PaiRoss Ardern e Tracey
Coñecido/a porwelfare budget
editar datos en Wikidata ]

Jacinda Kate Laurell Ardern, nada en Hamilton o 26 de xullo de 1980, é unha política de Nova Zelandia e a Primeira Ministra do país. É a dirixente do Partido Laboral dende o 1 de agosto de 2017. Foi elixida por primeira vez como parlamentaria nas eleccións xerais de 2008 e foi deputada por Mount Albert dende o 8 de marzo de 2017.

Ideoloxicamente, Ardern descríbese a si mesma como unha socialdemócrata e unha progresista. Como partidaria do movemento obreiro, oponse ós recortes de impostos para as persoas con ingresos altos, apoiados polo Partido Nacional, e defende un estado de benestar que achegue unha rede de seguridade para "aqueles que non poden manterse a si mesmos". Sobre cuestións sociais, Ardern está a prol do matrimonio entre persoas do mesmo sexo, votando a prol do proxecto de lei de igualdade matrimonial en 2013, e apoia a liberalización das leis sobre o aborto.

Traxectoria[editar | editar a fonte]

Despois de graduarse na Universidade de Waikato en 2001, Ardern comezou a súa carreira traballando como investigadora na oficina da Primeira Ministra Helen Clark. Máis tarde traballou no Reino Unido como asesora de política do Primeiro Ministro do Reino Unido Tony Blair e, en 2008, foi elixida Presidenta da Unión Internacional de Xuventudes Socialistas. Foi escollida por unanimidade como Subdirectora do Partido Laborista logo da renuncia de Annette King.

Ardern converteuse en líder do partido laborista o 1 de agosto de 2017, cando Andrew Little renunciou o seu posto despois dun resultado de votación historicamente baixo para o partido. Baixo o seu liderado, o Partido Laborista quedou por diante do seu rival tradicional, o Partido Nacional, por primeira vez en doce anos. Nas eleccións xerais que tiveron lugar o 23 de setembro de 2017, o Partido Laborista gañou 46 escanos, poñéndose por detrás do Partido Nacional de Bill English, que gañou 56 escanos. Converteuse na primeira ministra de Nova Zelandia o 26 de outubro de 2017, despois de que Nova Zelandia Primeiro anunciase unha coalición con ela.

Véxase tamén[editar | editar a fonte]

Ligazóns externas[editar | editar a fonte]