Iván Kaviedes

Na Galipedia, a Wikipedia en galego.
Saltar ata a navegación Saltar á procura
Iván Kaviedes
JAIME IVAN KAVIEDES (17175864697).jpg
Nacemento24 de outubro de 1977
 Santo Domingo de los Colorados
NacionalidadeEcuador
Ocupaciónfutbolista
editar datos en Wikidata ]

Jaime Iván Kaviedes Llorenty, nado o 24 de outubro de 1977 en S.D. de los Colorados (Ecuador) foi un futbolista que xogaba na demarcación de dianteiro. Foi un dos xogadores máis prometedores de Ecuador, marcado polas constantes indisciplinas e saídas nocturnas, pese ao que segue sendo un ídolo no seu país.

Traxectoria[editar | editar a fonte]

Orfo dende os seis anos comezou a xogar nos equipos infantis do seu pobo, pasando polo Audaz, Adac, Tres de Julio, Los Chavos, Sport Colombia e Talleres; ao tempo que estudaba na escola Pío XII

Saltou á fama o 1998 ao ser o máximo goleador do mundo, marcando 43 goles no Club Sport Emelec, tras o cal fichou polo Perugia converténdose no primeiro xogador ecuatoriano en fichar por un equipo da Primeira División Italiana. Militou no equipo italiano media tempada marcando catro goles, porén despois de facer unha aceptabel Copa América ficha polo Celta de Vigo no verán de 1999 por un prezo aproximado de 5 millóns de dólares..

Pertenceu ao Celta catro tempadas pero so chegou a disputar seis encontros oficiais, sen marcar ningún gol. Ante a competencia principalmete de Benny McCarthy, pero tamén de xogadores como Mario Turdó, foi cedido a varios equipos, coma o Puebla FC, Real Valladolid, FC Porto e Barcelona de Guayaquil.

Tras deixar o Celta en 2003 estivo varios meses sen xogar profesionalmente, ata que a comezos de 2004 fichou polo Deportivo Quito e pasou despois por Crystal Palace, Argentinos Junior, El Nacional e Liga De Quito.

A finais de 2009 entrou nunha clínica de rehabilitación por problemas cas drogas, e tras dous anos sen xogar profesionalmente fichou polo Macará de Ambato, pero foi separado do equipo.

En 2011 fichou novamente por El Nacional.

No ano 2012, tras realizar a pretempada co Deportivo de Quito, anunciou a súa retirada do fútbol, porén fichou despois polo Aucas, onde a súa actuación se viu marcada por ser detido ao conducir ebrio e agredir a uns policías.

Coa selección de fútbol de Ecuador[editar | editar a fonte]

Foi internacional coa Selección de fútbol de Ecuador en 55 ocasións, debutou o 14 de outubro de 1998 nun encontro amigábel ante o Brasil

O 7 de novembro de 2001 marcou o gol da histórica clasificación de Ecuador para o seu primeiro Mundial, Corea/Xapón 2002

No Mundial de Fútbol Alemaña 2006 anotou un gol, ante Costa Rica.

Véxase tamén[editar | editar a fonte]

Ligazóns externas[editar | editar a fonte]