Itxaso Atutxa Atutxa
_Itxaso_Atutxa.jpg) (2018)  | |
| Biografía | |
|---|---|
| Nacemento | (es) Itxaso 19 de xuño de 1967 (58 anos)Bilbao, España |
President of BBB (en)  | |
| 21 de febreiro de 2013 – 23 de novembro de 2024 ← Andoni Ortuzar – Q131310474 → Electa en: Biscaia | |
| Datos persoais | |
| Residencia | Zeberio |
| Educación | Universidade de Deusto - filoloxía |
| Actividade | |
| Lugar de traballo | Bilbao |
| Ocupación | política |
| Partido político | Euzko Alderdi Jeltzalea - Partido Nacionalista Vasco |
| Familia | |
| Cónxuxe | Aitor Esteban |
| Pai | Javier Atutxa |
Itxaso Atutxa Atutxa, nada en Bilbao o 19 de xuño de 1967, é unha filóloga e política vasca pertencente a EAJ-PNV.
Traxectoria
[editar | editar a fonte]Naceu no barrio bilbaíno de Indautxu o 19 de xuño de 1967. Cando tiña catro anos, o seu pai, o histórico dirixente de EAJ-PNV Javier Atutxa, que era capitán de barco, decidiu quedar en terra e a familia mudouse a Deusto. Alí viviu e estudou até o seu matrimonio con Aitor Esteban, momento en que se trasladaron a vivir a Zeberio.[1]
Atutxa estudou primeiro na ikastola do seu barrio e a secundaria no colexio de La Salle. Licenciouse en Filoloxía vasca na Universidade de Deusto.
Atutxa desenvolveu o seu labor profesional na empresa privada, principalmente en postos de dirección no sector audiovisual. É socia da empresa 3Koma.
Involucrouse tamén en numerosos proxectos de carácter social e cultural, entre os cales salientan: patroa do Museo Etnográfico de Bilbao, vicepresidenta da Fundación Sabino Arana, membro do Consello de Dirección de Emakunde.[1]
No eido da política, a súa vinculación co EAJ-PNV produciuse dende os seus primeiros anos, dados os seus antecedentes familiares. Afiliouse ós dezaseis anos pertence á xeración que fixo a transición entre os dirixentes que viñan da clandestinidade e a de Íñigo Urkullu, Andoni Ortuzar, Koldo Mediavilla ou Joseba Aurrekoetxea.[2][3] Foi tenente de alcalde do Concello de Zeberio, vila onde reside, e é membro da Asemblea Nacional de EAJ-PNV.[1]
Atutxa foi nomeada o 21 de febreiro de 2013, presidenta do Bizkai Buru Batzar (BBB), a executiva biscaíña de EAJ-PNV, sendo a primeira muller en ocupar este posto.[1] Foi reelixida por unanimidade no 2017.[4]
Vida privada
[editar | editar a fonte]Está casada con Aitor Esteban e ten dous fillos, Aritz e Oier.[1]
Notas
[editar | editar a fonte]- ↑ 1,0 1,1 1,2 1,3 1,4 Batzar, Euzkadi Buru. "Gure Burukideak: Itxaso Atutxa Atutxa". www.eaj-pnv.eus. Arquivado dende o orixinal o 28 de agosto de 2018. Consultado o 27 de agosto de 2018.
- ↑ "Itxaso Atutxa, la mujer con más poder en la historia del PNV". 21 de febreiro de 2013. Consultado o 26 de abril de 2019.
- ↑ "Itxaso Atutxa, una mujer que ha vivido el PNV desde niña - ABC.es - Noticias Agencias". Arquivado dende o orixinal o 26 de abril de 2019. Consultado o 26 de abril de 2019.
- ↑ "Reelegida por unanimidad Itxaso Atuxa como presidenta del BBB para los próximos cuatro años". Arquivado dende o orixinal o 26 de abril de 2019. Consultado o 26 de abril de 2019.