Irmandade Nazonalista Galega de Buenos Aires
| Irmandade Nazonalista Galega de Buenos Aires | |
|---|---|
| Tipo | asociación |
| Data de fundación | 1923 |
| Sede | Buenos Aires |
| País | Arxentina |
| [ editar datos en Wikidata ] | |
A Irmandade Nazonalista Galega de Buenos Aires foi unha asociación galeguista de Bos Aires constituída en 1923.
Historia[editar | editar a fonte]
Foi fundada por Eduardo Blanco Amor e Ramiro Illa Couto en agosto de 1923, vencellada á Irmandade Nazonalista Galega. O seu voceiro era Terra, do que saíron cinco números, todos monolingües en galego.
En 1924 tralo comezo da ditadura de Primo de Rivera, a asociación esgaza en dous, Blanco Amor e os seus partidarios marchan á Federación de Sociedades Gallegas Agrarias y Culturales, mentres o outro sector encabezado por Manuel Oliveira Viqueira, Moisés da Presa, Clemente López Pasarón e Lino Pérez refúndana en 1925, con A Fouce como voceiro, cun carácter marcadamente independentista.
En 1927 a Irmandade convértese nunha asociación cultural co nome de Sociedade d'Arte Pondal (posteriormente coñecida como Sociedade Nazonalista Pondal).