Irina Rodnina

Irina Rodnina

Biografía
Nacemento	12 de setembro de 1949 (74 anos) Moscova, Rusia
Deputada da Duma Estatal
21 de decembro de 2011 – 5 de outubro de 2016 Lexislatura: 6th State Duma of the Russian Federation (en)
Deputada da Duma Estatal
Lexislatura: 8th State Duma of the Russian Federation (en)
Deputada da Duma Estatal
Lexislatura: 7th State Duma of the Russian Federation (en)
Deputada da Duma Estatal
Lexislatura: 5th State Duma of the Russian Federation (en)
Datos persoais
País de nacionalidade	Rusia Unión Soviética
Educación	Russian State University of Physical Education, Sport, Youth and Tourism (en)
Altura	152 cm
Peso	41 kg
Actividade
Lugar de traballo	Moscova
Ocupación	política , figure skating coach (en) , patinadora artística sobre xeo , deputada da Duma Estatal
Partido político	Rússia Unida (pt) Partido Comunista da Unión Soviética
Membro de	7th State Duma of the Russian Federation (en) first Civic Chamber of the Russian Federation (en) 5th State Duma of the Russian Federation (en) 6th State Duma of the Russian Federation (en) 8th State Duma of the Russian Federation (en)
Alumnos	Radka Kovaříková e René Novotný
Lingua	Lingua rusa
Compañeiro profesional	Alexei Ulanov (pt) (1964–1972) Alexander Zaitsev (pt) (1972–1980)
Nacionalidade deportiva	Unión Soviética
Deporte	patinaxe artística sobre xeo
Disciplina deportiva	patinação de duplas (pt)
Adestrador	Tatiana Tarasova (pt)
Participou en
febreiro de 1980	patinação artística nos Jogos Olímpicos de Inverno de 1980 - Duplas (pt) (1ª)
febreiro de 1976	patinação artística nos Jogos Olímpicos de Inverno de 1976 - Duplas (pt) (1ª)
febreiro de 1972	patinação artística nos Jogos Olímpicos de Inverno de 1972 - Duplas (pt) (1ª)
Familia
Cónxuxe	Alexander Zaitsev (pt)
Fillos	Alyona Minkovski (en)
Premios  Orde de Lenin  Medalla conmemorativa do 850 aniversario de Moscova  Orden da Amistade  Mestre emérito do deporte da Unión Soviética  Bandeira Vermella do Traballo  Orde por Servizos á Patria de terceiro grao  Orde por Servizos á Patria de cuarto grao  Medal "For Labour Valour" (en)
Voz: Irina Rodnina (lingua rusa)

Irina Konstantinovna Rodnina (ruso: Ирина Константиновна Роднина), nada en Moscova o 12 de setembro de 1949 é unha patinadora artística e política rusa, única que gañou dez campionatos mundiais e tres medallas olímpicas consecutivas (1972, 1976, 1980) na disciplina de parellas. Nas eleccións lexislativas de 2007 foi elixida membro da Duma Estatal polo partido Rusia Unida do presidente Vladímir Putin. Como patinadora artística, competiu inicialmente con Aleksei Ulanov e logo con Aleksandr Záitsev. Foi a primeira patinadora de parellas que gañou o título olímpico con dúas parellas diferentes.

Traxectoria

Carreira deportiva

Nos seus anos preescolares, Rodnina sufriu pneumonía once veces. Despois de decidir inscribirse nalgunha actividade, en 1954 os seus pais levárona á súa primeira pista de patinaxe, no Parque Infantil Pryamikov en Moscova. Dende o sexto grao da escola secundaria, aos 13 anos, formouse na Escola de Deportes para a Infancia e a Mocidade do CSKA en Leningradsky Prospekt.

Contra o 1963, Rodnina xa comezara a patinar coa súa primeira parella, Oleg Vlasov, adestrado por Sonia e Milán Valun. En 1964, Stanislav Zhuk converteuse no seu adestrador e emparellouna con Aleksei Ulanov. Gañaron catro títulos mundiais e europeos consecutivos. O primeiro título mundial foi en 1969, por diante da parella Tamara Moskvina / Alexei Mishin. Gañaron os seguintes títulos mundiais, 1970 e 1971, por diante de Lyudmila Smirnova / Andrei Suraikin. Porén, Ulanov namorouse de Smirnova e antes dos Xogos Olímpicos de 1972 a parella tomou a decisión de patinar xuntos a temporada seguinte. Rodnina e Ulanov competiron neses xogos e lograron o ouro. Logo prepararon a súa última competición xuntos, o Mundial de 1972. Mentres practicaban xuntos un día antes do inicio da competición, a parella tivo un accidente nun levantamento e Rodnina acabou no hospital cunha conmoción cerebral e un hematoma intracraneal. A pesar do accidente, tiveron unha importante presenza no programa curto, recibindo algúns 6.0. No programa longo, Rodnina debilitouse e mareouse, mais foi suficiente para o seu cuarto título mundial. Ulanov continuou a súa carreira con Smirnova, mentres que Rodnina pensaba na súa xubilación.

En abril de 1972, o seu adestrador Stanislav Zhuk suxeriulle que formase equipo co patinador de Leningrado Aleksandr Zaitsev, que tiña boa técnica de salto e aprendeu rapidamente os elementos. A súa música detívose durante o seu programa curto no Campionato Mundial de 1973, posiblemente debido a un traballador checo que actuou en represalia pola represión da Primavera de Praga. Coñecidos por unha intensa concentración, remataron o programa en silencio, obtendo unha ovación de pé e unha medalla de ouro ao finalizaren por diante de Smirnova e Ulanov, que foron derrotados de novo en 1974.

En 1974, Rodnina e Zaitsev deixaron a Zhuk, co que a súa relación se volvera tensa, para adestrar con Tatiana Tarasova. Gañaron xuntos seis títulos mundiais e sete medallas de ouro de Europa, e gañaron o seu primeiro título olímpico en conxunto en 1976. Rodnina e Zaitsev non competiron durante a temporada 1978/79, porque ela estaba embarazada. Regresaron en 1980 para lograr o seu segundo título olímpico xuntos e terceiro de Rodnina, antes de retirarse da patinaxe competitiva. Con 30 anos e 159 días, converteuse na campioa olímpica de patinaxe artística de máis idade.

Ao longo da súa carreira, Rodnina competiu internacionalmente pola Unión Soviética e representou á sociedade deportiva das Forzas Armadas a nivel estatal. Cos seus compañeiros gañou dez campionatos do mundo e tres medallas de ouro olímpicas consecutivas dende 1971 ata 1980, ademais de once títulos europeos, o que fai dela a patinadora en parella con máis éxito da historia.

Rodniná adestrou numerosos patinadores soviéticos de elite e deu clases na universidade de Moscova. Dende 1990 ata 2002, adestrou nos Estados Unidos e levou o equipo checo de Radka Kovaříková e René Novotný ao título mundial.

Carreira política

Rodnina converteuse en membro da Cámara Pública de Rusia en 2005 e nas eleccións de 2007 foi elixida membro da Duma Estatal. O 17 de decembro de 2012, apoiou a lei Dima Yakovlev, que prohibe a adopción de orfos rusos por parte de cidadáns estadounidenses.

Vida privada

Graduouse no Instituto Central de Cultura Física. O seu primeiro matrimonio foi con Alexander Zaitsev, con quen tivo un fillo do mesmo nome nado en 1979. Do seu segundo matrimonio, co produtor Leonid Menkovsky, tivo unha filla, Alyona Minkovski, nada en 1986.

Rodnina pasou varios anos nos Estados Unidos e logo trasladouse de novo a Rusia.

Controversia en Twitter

O 13 de setembro de 2013, Rodnina provocou controversia cando chiou unha foto retocada do presidente dos Estados Unidos Barack Obama coa boca chea de comida e un plátano en primeiro plano. Dixo que foi unha práctica do seu dereito á libre expresión, mais os críticos dixeron que estaba a facer un comentario racista sobre o presidente afroamericano. O 10 de febreiro de 2014 Rodnina afirmou que a súa conta de Twitter fora hackeada no momento da publicación da fotografía e desculpouse pola forma en que levou o asunto.

Véxase tamén

Bibliografía

• A. Chaikovsky (1977). Irina Rodnina. Heroes of the Olympic Games (en ruso). Moscova: Fizkultura i sport. 

Ligazóns externas

• Irina Rodnina on Olympic.org
• Irina Rodnina in Encyclopædia Britannica
• Pairs on Ice: Rodnina and Ulanov Arquivado 17 de decembro de 2005 en Wayback Machine.
• Pairs on Ice: Rodnina and Zaitsev Arquivado 21 de decembro de 2005 en Wayback Machine.