Iratxe Sorzabal

Na Galipedia, a Wikipedia en galego.
Saltar ata a navegación Saltar á procura
Iratxe Sorzabal
Nacemento6 de novembro de 1971
 Irún
NacionalidadeEspaña
Ocupaciónterrorista
editar datos en Wikidata ]

Iratxe Sorzabal Díez, alias Ezpela, nada en Irún o 6 de novembro de 1971, é un membro e dirixente da organización terrorista española Euskadi Ta Askatasuna (ETA), considerada pola policía unha dos tres integrantes da banda que anunciaron o cesamento definitivo da violencia en 2011 no que ETA declaraba o seu cesamento do fogo «permanente, xeral e verificable».[1][2][3] Foi detida en Francia o 22 de setembro de 2015, xunto con David Pla —ambas as cabezas do aparato político de ETA—; tamén foron detidos o propietario da casa onde os localizaron, Francisco Flores, e Ramón Sagarzazu, que fora en 2005 xefe do aparato internacional da banda.[4]

Traxectoria[editar | editar a fonte]

Acusada de formar parte de ETA dende a década de 1990 integrada no comando Ibarla, foi detida por vez primeira en 1997 polas autoridades francesas, e condenada por pertenza a banda armada a tres anos de prisión, sendo posta en liberdade ó cumprir dous terzos da pena. De regreso en España, foi detida en marzo de 2001 acusada de formar parte dun comando legal de ETA, aínda que non foi xulgada por iso. Porén, de novo en Francia, reincorporouse á organización terrorista como responsable da estrutura de control dos presos Halboka. Foi condenada en rebeldía polos tribunais franceses en 2006, xunto con Manu Ugartemendia, a cinco anos de cárcere. Estivo a piques de ser detida xunto a Izaskun Lesaka en 2007. Até a súa aparición en 2011 facendo público o comunicado de ETA sobre cesamento da violencia, só se tiveron pistas sobre ela en 2009. A policía considera que Sorzabal reuniuse xunto con David Pla e Josu Urrutikoetxea en Oslo (Noruega) en 2012 nun intento de negociación co Goberno español. Foron expulsados do país nórdico en 2013. No momento da súa detención en setembro de 2015, tiña pendentes de cumprir dúas penas impostas polos tribunais franceses.[1][4]

Notas[editar | editar a fonte]