Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.
Ip Man (na escrita tradicional 葉問, simplificada 叶问, en Pinyin Yè Wèn) é un filme producido en Hong Kong e dirixido por Wilson Yip que se estreou no 2008. É un filme biográfico de artes marciais vagamente baseado na vida de Yip Man, un gran mestre do Wing Chun e mentor de Bruce Lee. A historia céntrase nos eventos da Yip que supostamente tiveron lugar na cidade de Foshan durante a Segunda guerra sino-xaponesa. Está protagonizado por Donnie Yen, que interpreta a Yip Man, e as coreografías dos combates son obra de Sammo Hung.
No Foshan dos anos trinta, Yip Man é un respectado mestre de Wing Chun que combina o estudo das artes marciais cos combates ocasionais ós que se ve forzado por parte dos seus admiradores. Son tempos de prosperidade ós que a guerra co Xapón ameaza con poñer fin. Coa ocupación xaponesa da China, Yip Man verase obrigado a defender a honra do seu pobo.
