Instituto Nacional de la Vivienda
| Instituto Nacional de la Vivienda | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata C:Commons | |||||||||||
O Instituto Nacional de la Vivienda (INV) foi un organismo español creado durante a ditadura franquista o 19 de abril de 1939 e suprimido en 1980 co obxectivo de fomentar a vivenda e asegurar o uso da mesma. Durante a súa existencia construíronse millóns de vivendas protexidas.[1]
Durante a súa existencia pasou por diferentes ministerios, como o Ministerio de Acción e Organización Sindical ou o de Traballo. Na década de 1950 pasou a pertencer ao novo Ministerio de Vivenda.
O instituto, sempre baixo a tutela do Ministerio de Mariña e Defensa, foi instrumentalizado polo réxime para, mediante as vivendas adxudicadas, encher zonas conflitivas con policías e militares.[2][3]
Historia
[editar | editar a fonte]
O INV, creado por Pedro González-Bueno y Bocos no seo do Ministerio de Acción e Organización Sindical, tiña unha personalidade xurídica propia e autónoma para administrar o seu patrimonio. Anos máis tarde pasou a pertencer á Organización Sindical, despois ao Ministerio de Traballo e por último ao Ministerio de Vivenda cando se creou en 1957.[1]
Nos seus primeiros anos de existencia estivo baixo a dirección do pamplonés Federico Mayo Gayarre, enxeñeiro de minas nomeado capitán de Enxeñeiros durante a guerra civil. Ocupou o cargo de director xeral do INV até a súa morte en 1954.
Algunhas das tarefas máis importantes que realizaba eran:
- Impor sancións.
- Ditar ordenanzas de construcións protexidas e aprobar e cualificar os seus proxectos de construción.
- Vixiar o uso e bo aproveitamento das vivendas.
- Inspeccionar os proxectos aprobados.
Notas
[editar | editar a fonte]- 1 2 Esteban Maluenda, Ana María (2009). "La vivienda social española en la década de los 50: Un paseo por los poblados dirigidos de Madrid". VPOR2 Revista de vivienda, Cuadernos de Notas (en castelán) (Madrid): 18–23. ISSN 1885-0766.
- ↑ Cebrian Calvo, Joan (10 de febreiro de 2022). "L’Instituto Nacional de la Vivienda, la dictadura en girar la cantonada". El Jardí (en catalán). Consultado o 22 de agosto de 2025.
- ↑ Candela Ochotorena, José (8 de abril de 2023). "El plan sindical de Vivienda "Francisco Franco" de 1954". Nueva Tribuna (en castelán). Consultado o 22 de agosto de 2025.
