Instituto Cato

Na Galipedia, a Wikipedia en galego.
Saltar ata a navegación Saltar á procura
Insituto Cato.

O Instituto Cato (en inglés: Cato Institute), que toma o seu nome das Cartas de Catón, é un laboratorio de ideas con sede en Washington, D.C.; non afiliado a partidos políticos e con personalidade xurídica como organización sen ánimo de lucro. Dedícase ó lobby e busca a promoción de políticas públicas que sexan consistentes cos principios de liberdade individual, goberno limitado, mercados libres e paz, dende un punto de vista xeralmente percibido como libertario ou prol laissez faire.[1][2]

O Instituto foi fundado en 1977 en San Francisco, California por Edward H. Crane e inicialmente financiado por Charles G. Koch. Estivo nestes anos relacionado cos inicios do Partido Libertario. O nome fai referencia ás Cartas de Catón e foi proposto por Murray Rothbard membro fundador e directivo que logo saíu por problemas internos coa organización en 1981.

O Cato Institute é un centro de análise non-partidista, e as visións dos seus académicos non están consistentemente aliñadas con ningún dos dous partidos maioritarios. Durante a "Revolución Conservadora" do Partido Republicano de Estados Unidos nos 80, impulsouse un achegamento importante para rexuvenecer o partido conservador con elementos e ideas liberais. Porén, a súa relación cos conservadores non foi do todo harmoniosa, especialmente por mor do enfrontamento entre liberais-libertarios e o neoconservadorismo da militancia republicana, por temas como a intervención militar, o gasto público, a guerra contra as drogas ou as garantías constitucionais. Existe discusión respecto da súa coincidencia en determinados puntos -sociais- cos progresistas do Partido Demócrata dos Estados Unidos, mentres en aspectos económicos e doutras políticas públicas existen grandes diferenzas.

Notas[editar | editar a fonte]

  1. Cato Institute: Quienes somos
  2. "Opiniones sobre el Cato Institute". Instituto Cato. 

Véxase tamén[editar | editar a fonte]

Ligazóns externas[editar | editar a fonte]