Ingo Schwichtenberg
| Biografía | |
|---|---|
| Nacemento | 18 de maio de 1965  Hamburgo, Alemaña |
| Morte | 8 de marzo de 1995 (29 anos) Hamburgo, Alemaña |
| Causa da morte | Suicidio e morte accidental |
| Lugar de sepultura | Wandsbek (en)  |
| Datos persoais | |
| Outros nomes | Mr Smile |
| País de nacionalidade | Alemaña |
| Actividade | |
| Campo de traballo | Música |
| Ocupación | batería , músico , percusionista |
| Período de actividade | 1978 - |
| Xénero artístico | Heavy metal, heavy metal tradicional (pt) , hard rock e Power metal |
| Lingua | Lingua alemá e lingua inglesa |
| Instrumento | Batería |
   | |
Ingo Schwichtenberg, nado en Hamburgo o 18 de maio de 1965 e finado no mesmo lugar o 8 de marzo de 1995, foi un dos fundadores da banda alemá de heavy metal Helloween, en 1984, e o seu batería até 1993. É o autor da idea e dos deseños do ex-libris da banda: The Pumpkin (a cabaza).
Tras case unha década tocando en Helloween, comezou a ter problemas de esquizofrenia e de depresión maníaca, desencadeados pola inxestión abusiva de bebidas alcohólicas, drogas, o que, segundo a banda, foi o factor responsábel do seu suicidio.
A situación chegou ao límite no final dun concerto, no Xapón, en 1993, cando Ingo tivo unha forte crise psicótica, o que levou a que fose suspenso de actuar con Helloween até tratar a súa dependencia de drogas, tendo que ser substituído por Richie Abdel Nabi (que tocou só até ao final da xira) en plena digresión de promoción do traballo Chameleon.
Despois de deixar o grupo, e ser substituído por Uli Kusch, abandonou tamén a medicación psiquiátrica. O seu estado de saúde agravouse tras a morte repentina do seu pai, o que fixo que se mergullase na súa tristeza e que as crises esquizofrénicas se tornasen máis frecuentes.
En marzo de 1995, con 29 anos, puxo fin á súa vida tirándose ás vías do metro, na estación de Friedrichsberg, en Hamburgo.
Está enterrado no cemiterio de Waldfriedhof Volksdorf, en Hamburgo.
En 1996, o seu ex-colega de banda, Michael Kiske (ex-Helloween), dedicoulle algunhas músicas, como "Always" e "Do I Remember a Life?", do álbum Instant Clarity. Foi en 1996, tamén, cando Helloween lle dedicou o álbum The Time of the Oath.
Discografía[editar | editar a fonte]
Como batería, participou nos seguintes álbums de Helloween:
- 1985 - Helloween
- 1985 - Walls of Jericho
- 1987 - Keeper of the Seven Keys: Part 1
- 1988 - Keeper of the Seven Keys: Part 2
- 1991 - Pink Bubbles Go Ape
- 1993 - Chamaleon
Participou tamén como coautor dalgúns temas dos álbums arriba referidos.
Véxase tamén[editar | editar a fonte]
Ligazóns externas[editar | editar a fonte]
- Ingo Schwichtenberg en findagrave.com (en inglés)
- Páxina-memorial dedicada a Ingo (en alemán) (en inglés)
