In medias res

Na Galipedia, a Wikipedia en galego.

in medias res é unha expresión latina que significa "no medio das cousas" e que designa unha técnica narrativa consistente en iniciar unha narración nun momento posterior ao do inicio da acción, normalmente nun momento crucial. Isto permítelle ao narrador moverse para tras e para diante no tempo entre acontecementos interrelacionados.

A orixe da expresión está na Ars Poética de Horacio:

Semper ad eventum festinat et in medias res
Non secus ad notas auditorem rapit

("Sempre se apresura cara o asunto e apremia aos ouvintes no medio da historia como se xa a coñecesen")

Os exemplos máis coñecidos son A Ilíada e A Odisea de Homero e Paraíso Perdido de Milton.

Se a historia comeza desde o comezo dos acontecementos que narra, dise que se inicia ab ovo.