Ilse Losa

Ilse Losa
Biografía
Nacemento	20 de marzo de 1913 ; Buer
Morte	6 de xaneiro de 2006 (92 anos); Porto
Lugar de sepultura	Cemitério do Prado do Repouso (pt)
Relixión	Xudaísmo
Actividade
Ocupación	escritora, tradutora, editora literaria, escritora de literatura infantil
Premios
	Cruz da Orde do Mérito da República Federal de Alemaña; Comendador da Orde do Infante Don Henrique ;
Descrito pola fonte	Verbrannt, verboten, vergessen (en) , (p.124-125) >>>:Losa, Ilse

Ilse Lieblich Losa, nada en Melle-Buer (Alemaña) o 20 de marzo de 1913^[1] e finada no Porto (Portugal) o 6 de xaneiro de 2006, foi unha escritora e tradutora portuguesa de orixe xudía.

Traxectoria

Naceu preto de Hannover filla de Artur Lieblich e de Hedwig Hirsch. Cursou os seus estudos en Osnabrück, Hildesheim e Hannover.^[1]

Ameazada pola Gestapo con ser enviada a un campo de concentración debido á súa orixe xudía, abandonou o seu país natal en 1930 coa súa nai e os seus irmáns Ernest e Fritz. Mudouse primeiro a Inglaterra e posteriormente a Portugal, onde chegou en 1934. Estableceuse na cidade do Porto, onde obtivo a nacionalidade portuguesa tras o seu matrimonio en 1935 co arquitecto Arménio Taveira Losa.

En 1943 publicou o seu primeiro libro, O mundo en que vivín,^[2] e desde entón dedicou a súa vida á tradución e á literatura infantil e xuvenil. En 1984 recibiu o Grande Prémio Gulbenkian polo conxunto da súa obra dirixida a este público.^[1] En 1998 recibiu o Grande Prémio de Crónica, da Associação Portuguesa de Escritores pola súa obra À Flor do Tempo. Colaborou en diversos xornais e revistas, alemás e portuguesas. Traduciu do alemán para o portugués algunhas das máis consagradas obras e autores,^[1] entre as que cómpre salientar o Diario de Ana Frank.

O 9 de xuño de 1995 foi nomeada Comendadora da Ordem do Infante D. Henrique.^[3]

Traducido ao galego: Río sen ponte (2019), Hécules Ed. Tradución de Anxo Tarrío. ISBN 978-84-18966-12-5.

Notas

1 2 3 4 "Ilse Losa". Infopédia (en portugués). Porto Editora. Consultado o 6 de decembro de 2012.
↑ Nicolás, Ramón (2019-05-18). "O mundo en que vivín, de Ilse Losa". Caderno da crítica. Consultado o 2019-06-27.
↑ "- Página Oficial das Ordens Honoríficas Portuguesas". www.ordens.presidencia.pt. Consultado o 2021-03-21.

[Infopédia-1] 1 2 3 4 "Ilse Losa". Infopédia (en portugués). Porto Editora. Consultado o 6 de decembro de 2012.

[2] Nicolás, Ramón (2019-05-18). "O mundo en que vivín, de Ilse Losa". Caderno da crítica. Consultado o 2019-06-27.

[3] "- Página Oficial das Ordens Honoríficas Portuguesas". www.ordens.presidencia.pt. Consultado o 2021-03-21.

[1]

[2]

[3]