Ilse Bing
| Biografía | |
|---|---|
| Nacemento | 23 de marzo de 1899  Frankfurt, Alemaña |
| Morte | 10 de marzo de 1998 (98 anos) Manhattan, Estados Unidos de América |
| Datos persoais | |
| País de nacionalidade | Alemaña Estados Unidos de América |
| Relixión | Xudaísmo |
| Actividade | |
| Campo de traballo | Fotografía |
| Ocupación | fotógrafa |
| Lingua | Lingua inglesa |
| Obra | |
| Arquivos en | |
| Familia | |
| Cónxuxe | Konrad Wolff (pt)  (1937–) |
Premios | |
Ilse Bing, nada en Frankfurt o 23 de marzo de 1899 e finada en Nova York o 10 de marzo de 1998,[1] foi unha fotógrafa alemá[2] de vangarda e comercial, pioneira na produción de imaxes monocromas durante o período de entreguerras.
Traxectoria[editar | editar a fonte]
Bing naceu nunha familia xudía acomodada de comerciantes en Frankfurt en 1899.[3] Recibiu unha boa educación, con atención particular nas artes e na música.[4]
Estudou historia da arte na Universidade de Frankfurt, aínda que iniciara os seus estudos universitarios nos campos das matemáticas e da física. Como importante complemento á súa formación, durante o curso 1923-24 estudou na Academia de Belas Artes de Viena. A súa aprendizaxe da fotografía realizouno de modo autodidacta en 1925 coa fin de ilustrar a súa tese sobre o arquitecto Friedrich Gilly. Catro anos despois comprou unha cámara Leica que empregou durante vinte anos como a súa máquina principal.[5]
En 1929, inspirada polo traballo de Florence Henri, Bing mudouse a París para traballar con Henri e outros modernistas.[6] Alí coñeceu tamén a André Kertész e Emmanuel Sougez e realizou reportaxes para diversas revistas como Das Illustrierte Blatt, Ars et Métiers Graphiques, Photo-Graphie, Vu e Harper's Bazaar. Sougez deulle o nome de "Raíña da Leica".[7] Realizou a súa primeira exposición na galería Julien Levy de Nova York en 1932 formando parte dunha mostra de fotografía europea e en 1937 participou na exposición organizada no Museo de Arte Moderna de Nova York por Beaumont Newhall co título de Photography (1839-1937).
En 1937 casou co pianista Konrad Wolff con quen emigrou en 1941 aos Estados Unidos, xa que eran xudeus e a Alemaña nazi dominaba Europa. Establecéronse en Nova York e en 1946 Bing adoptou a nacionalidade estadounidense. Aínda que viaxou en diversas ocasións a París, nos anos cincuenta a súa actividade fotográfica perdeu contido experimental e fíxose máis convencional. Non obstante, continuou a realizar fotografías en branco e negro ata 1957 en que comezou a realizar fotografías en cor que ela mesma revelaba.[8]
En 1959 abandonou a fotografía para dedicarse á poesía, á pintura e á colaxe e ocasionalmente incorporou fragmentos de fotografías. Estaba interesada en combinar as matemáticas, as palabras e as imaxes.[6] Cando deixou a fotografía, Bing afirmou que xa dixera todo o que quería dicir cunha cámara.[6]
O seu traballo foi valorado de novo tras unha exposición colectiva realizada en 1976 no Museo de Arte Moderna de Nova York e no Instituto de Arte de Chicago. Dende entón o seu traballo foi exposto en museos de todo o mundo como en Nova Orleáns en 1985, no Museo Carnavalet en 1987, no Museo Folkwang en 1994, no Museo Ludwig en 1996, no Museo de Vitoria e Alberto en 2004, en París en 2007 e en Barcelona en 2009.[9]
Notas[editar | editar a fonte]
- ↑ Margarett Loke (15 de marzo de 1998). "Obituaries. Ilse Bing, 98, 1930's Pioneer Of Avant-Garde Photography". The New York Times (en inglés). Consultado o 27 de xuño de 2011.
- ↑ Auer, Michèle & Auer, Michel (1985). Encyclopédie internationale des photographes de 1839 à nos jours/Photographers Encyclopaedia International 1839 to the Present (en francés e inglés). I (A-K). Hermance: Editions Camera Obscura. ISBN 2903671052.
- ↑ webmaster@vam.ac.uk, Victoria and Albert Museum, Online Museum, Web Team. "Ilse Bing Biography". www.vam.ac.uk (en inglés). Consultado o 9 de marzo de 2018.
- ↑ "Ilse Bing | Jewish Women's Archive". jwa.org (en inglés). Consultado o 9 de marzo de 2018.
- ↑ Mißelbeck, R. (2007). La fotografía del siglo XX. Museum Ludwig Colonia. Colonia: Taschen GmbH. pp. 57–58. ISBN 978-3-8228-4082-5.
- ↑ 6,0 6,1 6,2 Loke, Margarett (15 de marzo de 1998). "Ilse Bing, 98, 1930's Pioneer Of Avant-Garde Photography". The New York Times (en inglés). ISSN 0362-4331. Consultado o 9 de marzo de 2018.
- ↑ "Ilse Bing: Queen of the Leica". Victoria and Albert Museum (en inglés). Consultado o 27 de xuño de 2011.
- ↑ Sougez, M.L.; Pérez Gallardo, H. (2003). Diccionario de historia de la fotografía (en castelán). Madrid: Ediciones Cátedra. p. 67. ISBN 84-376-2038-4.
- ↑ Koetzle, Hans-Michael (2011). Fotógrafos de la A a la Z. Madrid: Taschen. p. 38. ISBN 978-3-8365-1108-7.
Véxase tamén[editar | editar a fonte]
Bibliografía[editar | editar a fonte]
- Barrett, Nancy (1985). Ilse Bing, three decades of photography. Nova Orleáns: New Orleans Museum of Art. ISBN 978-0894940224. OCLC 469479874.
- Dryansky, Larisa (2006). Ilse Bing: photography through the looking glass. Nova York: H.N. Abrams. ISBN 978-0810955462. OCLC 608305260.
- Reynaud, François (1987). Ilse Bing : Paris 1931-1952. París: Musée Carnavalet. OCLC 680579906.
- Schmalbach, Hilary (1996). Ilse Bing: Fotografien 1929-1956. Aachen: Suermondt-Ludwig-Museum Aachen. ISBN 978-3929203127. OCLC 432873363.
- Misselbeck, Reinhold, ed. (1996). 20th Century Photography. Alemaña: Museum Ludwig Cologne. Taschen. ISBN 978-3822858677. OCLC 680579906.
- Greenspoon, Leonard J. (2013). Fashioning Jews: Clothing, Culture, and Commerce. West Lafayette, Ind.: Purdue University Press. ISBN 9781557536570. OCLC 1058492422.
- Wilson, Dawn (Winter 2012). "Facing the Camera: Self-portraits of Photographers as Artists". Journal of Aesthetics & Art Criticism 70 (1): 56–66. JSTOR 42635856. doi:10.1111/j.1540-6245.2011.01498.x.
- David, Travis (1987). "In and of the Eiffel Tower". Art Institute of Chicago Museum Studies 13 (1): 5–23. JSTOR 4115922.
- Sarah, Kennel (Autumn 2005). "Fantasies of the Street: Emigré Photography in Interwar Paris". History of Photography 29 (3): 287–300. JSTOR 4115922. doi:10.1080/03087298.2005.10442803.
Ligazóns externas[editar | editar a fonte]
- Exposicións e publicacións
- Datos Arquivado 22 de setembro de 2019 en Wayback Machine. no Museo de Belas Artes do Canadá (en inglés)
- Selection of photographs and information
- Finding aid, Ilse Bing fonds, National Gallery of Canada Library and Archives Arquivado 22 de setembro de 2019 en Wayback Machine..
- Lerch, Antonia. Drei Fotografinnen: Ilse Bing, Grete Stern, Ellen Auerbach Arquivado 21 de abril de 2021 en Wayback Machine.. 1993
| Control de autoridades |
|
|---|
