Illante eléctrico
Un illante eléctrico, tamén chamado illador,[1] é un material que non permite facilmente o fluxo de electricidade a través dunha corrente eléctrica. Os materiais que se usan normalmente para illar inclúen caucho, plástico e vidro. En transformadores e motores eléctricos úsase verniz. Nalgúns interruptores úsanse gases illantes como o hexafluoruro de xofre. Os arames, cables ou fíos que transportan correntes eléctricas adoitan estar illados para que a electricidade vaia ao lugar correcto.
Terminoloxía
[editar | editar a fonte]O termo "Illante" e o verbo illar derivan da palabra illa, e poden referirse a cousas que illan, ao material ou a algo feito deses materiais, como a cinta illante. En galego reintegracionista e portugués o termo que se usa é "isolante", derivado tamén de insula (illa) como o castelán (aislante), e a través do italiano ou do latín medieval insulatus pasou tamén a outras linguas como o inglés.[2]
Tipos
[editar | editar a fonte]O tipo de illante dependerá dos usos. Os illantes teñen alta resistividade eléctrica e baixa condutividade. Os illantes evitan a perda de corrente e fan que a corrente sexa máis eficiente concentrando o fluxo.[3]
Composición
[editar | editar a fonte]Están feitos de diversos materiais moi pouco ou nada condutores da electricidade, como: vidro, silicona, caucho, plástico, aceite, madeira, algodón seco, cuarzo, cerámica, etc.[4]
Dispositivos illantes
[editar | editar a fonte]A transmisión de enerxía eléctrica usa tres tipos de illantes aéreos: illante de pin, illante de suspensión e illante de tensión.
- O illante pin (en portugués isolador de tipo pino, en inglés pin insulator) é o illante máis antigo desenvolvido. Os illantes tipo pin poden ter até tres partes, dependendo da cantidade de tensión.[5]
- O illante da suspensión é para tensións superiores a 33KV. Múltiples illantes están conectados en serie.[6]
- O illante de tensión é o mesmo que un illante de suspensión pero úsase horizontalmente, mentres que o illante de suspensión úsase verticalmente. O illante de tensión úsase para aliviar a tensión excesiva da liña, que ocorre cando hai un camiño sen saída ou unha curva pronunciada.[7]
Notas
[editar | editar a fonte]- ↑ "illante". Dicionario da Real Academia Galega. Consultado o 2025-01-07.
- ↑ "isolate". www.etymonline.com (en inglés). Consultado o 2025-01-07.
- ↑ "What are Electrical Insulators?". About Mechanics (en inglés). Consultado o 2025-01-07.
- ↑ Ring, Jessica (2017-04-24). "What Are Insulators?". Sciencing (en inglés). Consultado o 2025-01-07.
- ↑ "Types of Insulators in Transmission Lines". electrical4u.com (en inglés). 2024-06-26. Consultado o 2025-01-07.
- ↑ "High Voltage Power Transmission Line Insulators and their Types". Electrical Power Energy (en inglés). 2014-05-24. Consultado o 2025-01-07.
- ↑ "Insulgas". home.earthlink.net.
Véxase tamén
[editar | editar a fonte] |
Wikimedia Commons ten máis contidos multimedia na categoría: Illante eléctrico |
