Illa de Sancti Petri
| Illa de Sancti Petri | |
|---|---|
 | |
O illote de Sancti Petri está situado na San Fernando, na desembocadura do caño de Sancti Petri, fronte ás costas de Chiclana de la Frontera e ao sur de San Fernando.
O nome de Sancti Petri aplícase tamén á praia e ao antigo poboado almadrabeiro, situados fronte ao illote, localizados ambos en Chiclana de la Frontera. Ata 2002, o illote e o castelo pertenceu ao Ministerio de Defensa que o desafectó de uso militar para cedelo ao Ministerio de Medio Ambiente.
Templo, castelo e faro[editar | editar a fonte]
Na antigüidade, o illote formaba parte da illa principal do arquipélago gaditano e, sobre el, levantábase o Templo de Hércules Gaditano. Hoxe en día, sobre o illote consérvanse as ruínas do Castelo de Sancti Petri, construído a finais do século XVI e reconstruído no século XVII e XVIII. Ao longo da súa historia sufriu repetidos ataques de piratas e as súas pedras foron reutilizadas para obras de fortificacións noutros puntos. Durante a guerra da independencia española o castelo foi duramente bombardeado de 1810 a 1812 e tamén posteriormente en 1823 durante a intervención militar dos Cen Mil Fillos de San Luís. Unha das súas torres foi reconvertida no faro de Sancti Petri.
