Illa de São Miguel

Na Galipedia, a Wikipedia en galego.
Illa de São Miguel
Vista da illa
Sao Miguel satellite photo-NASA.jpg
Datos
Capital Ponta Delgada
País Portugal
Localización océano Atlántico
Arquipélago Azores
Linguas
Poboación (2003) 140.000 hab.
Superficie 746´8 km²
Densidade
Coordenadas 37°47′N 25°30′W / 37.783°N 25.500°W / 37.783; -25.500
Maior Altura 1.105 m. Pico da Vara
Localización
Localización  da illa

São Miguel, a maior das illas Azores, é tamén a máis importante. Cunha superficie de 746,82 km², mide 90 km deste a oeste e a súa anchura oscila entre 8 e 15 km. Conta cunha poboación de aproximadamente 129.434 habitantes (datos de 2001), repartida entre os municipios de Lagoa, Nordeste, Ponta Delgada, Povoação, Ribeira Grande e Vila Franca do Campo.

San Miguel é tamén coñecida como Illa Verde, debido ás súas grandes praderías. Nos outeiros atópanse tamén bosques de laurisilva. A illa é o refuxio do camachuelo de Azores, paxaro endémico en grave perigo de extinción.

A illa componse dun antigo macizo no extremo leste (o Complexo de Povoaçãou-Nordeste), e de tres estratovolcanes: Sete Cidades, Fogo e Furnas. Estes macizos volcánicos están unidos entre eles por alienamientos recentes de conos de escorias. O estratovolcán de Sete Cidades é coñecido sobre todo polo seu gran caldeira (caldeira), de 5 km de diámetro e 350 m de profundidade media. Nela atópanse dúas lagoas (Lagoa Verde ao sur e Lagoa Azul ao norte, así como numerososos volcáns de natureza traquítica.

O estratovolcán de Fogo ocupa o centro da illa, cunha caldeira duns 3 km de diámetro. A última erupción de Fogo produciuse en 1653. O terceiro estratovolcán é o de Furnas, que coñeceu dous erupciones en época histórica, en 1440 e 1630. A última produciu a morte dunhas 200 persoas.

Na zona leste da illa atópase o Pico da Vara, o punto máis alto da illa con 1.103 metros de altitude. Na zona central, está a serra de Água de Pau con 940 m de altura e na zona oeste sitúase a Caldeira das Sete Cidades, a 850 m de altitude.

As súas fértiles terras producen cereais, té, viño e froita, e alimentan ao gando bovino.

A primeira capital das illa foi Vila Franca do Campo, que foi arrasada por un terremoto en 1522, momento en que a capitalidade foi transferida a Ponta Delgada. Ponta Delgada é unha cidade en constante desenvolvemento, onde aínda se manteñen as súas igrexas e palacios dos séculos XVI e XIX.

A principal festividade relixiosa das Azores ten lugar nesta illa, concretamente na cidade de Ponta Delgada, onde se reúnen todos os anos miles de persoas. Son as festas do Senhor Santo Cristo dos Milagres, que se realizan cada ano o quinto domingo logo de Pascua.

Outra manifestación relixiosa da illa son as romarías. Ao achegarse a Semana Santa, grupos dalgunhas decenas de persoas percorren a illa a pé, durante oito días, rezando e cantando en todas as igrexas e ermidas que atopan no seu camiño.

As dúas lagoas de Sete Cidades
Ponta Delgada
Furnas