Illa de São Jorge

Na Galipedia, a Wikipedia en galego.
São Jorge
Ponta dos Rosais, ilha de São Jorge, Açores, Portugal.jpg
Localización  da illa
Localización da illa
Situación
País Portugal Portugal
Rexión autónoma de Portugal Azores
Arquipélago Illas Azores
Mar Océano Atlántico
Coordenadas 38°39′N 28°5′O / 38.650, -28.083Coordenadas: 38°39′N 28°5′O / 38.650, -28.083
Xeografía
Superficie 233´5 km²
Longura máxima 53´5 km.
Largura máxima 6´7 km.
Punto máis alto 1.053 m. Pico da Esperança
Demografía
Capital Velas
Poboación 9 171 hab. (2011)
Densidade 39 hab./km²
Lingua propia Portugués

A Illa de São Jorge é unha illa do Grupo Central do arquipélago dos Azores, Portugal, separada da Illa do Pico por un estreito de 15 km - a Canle de São Jorge. A illa ten 53 km de longo e 8 km de ancho, sendo a súa superficie total de 237´59 km² cunha poboación de 10.500 habitantes (2001). Politicamente está dividida en dous concellos o de Velas e o de Calheta.

Xeografía[editar | editar a fonte]

A illa está atravesada por unha cordilleira montañosa que alcanza unha altura máxima de 1.053 metros, no Pico da Esperanza. A costa en xeral é rochosa.

Historia[editar | editar a fonte]

Na cartografía xenovesa e catalá do século XIV, a illa é coñecida como illa de São Jorge. Esta designación foi mantida polo Infante D. Henrique. O seu poboamento comezou cara a 1460. Estudos recentes apuntan a que o primeiro núcleo poboacional atopábase na enseada das Velas, cuxa poboación foise estendendo a Rosais, Beira, Queimada, Urzelina, Mandas, Toledo, Santo António e Norte Grande. Outro núcleo de poboación atopábase en Calheta con irradiación desde alí a Biscoitos, Norte Pequeno e Ribeira Seca.

A illa xa estaba habitada cando João Vaz Corte Real, capitán-donatario de Angra (en Illa Terceira), obtivo a Capitanía da Illa de San Jorge por carta do 4 de maio de 1483 (arquivo de Azores, vol. 3, páx. 13). En 1500 a poboación de Velas é elevada ao rango de vila e sede do consello. Fracasado o poboamento da illa das Flores, o nobre flamengo Willehm Van der Hagen (coñecido en Portugal como Guilherme da Silveira), fundou un asentamento no sitio de Topo. En 1510 Topo é elevado ao rango de vila e sede do consello e Calheta tamén foi elevada a vila e sede de consello o 3 de xuño de 1534.

Véxase tamén[editar | editar a fonte]

Ligazóns externas[editar | editar a fonte]

Commons
Wikimedia Commons ten máis contidos multimedia na categoría: Illa de São Jorge Modificar a ligazón no Wikidata