Illa Mornington

Na Galipedia, a Wikipedia en galego.
Illa Mornington
Wellesley Islands locator map.jpg
Localización da illa
Locator map of Mornington Island.jpg
Situación
País Australia Australia
Estado Queensland
Arquipélago Illas Wellesley
Mar Golfo de Carpentaria
Coordenadas 16°30′0″S 139°30′0″L / -16.50000, -139.50000Coordenadas: 16°30′0″S 139°30′0″L / -16.50000, -139.50000
Xeografía
Superficie 1.002 km²
Longura máxima 58´54 km.
Largura máxima 27´39 km.
Punto máis alto 150 m.
Demografía
Capital Gununa
Poboación 1.007 hab. (2001)
Densidade 1 hab./km²


A Illa Mornington é a máis setentrional das 22 illas que forman o grupo das Illas Wellesley. A illa está no Golfo de Carpentaria e forma parte da rexión do Golfo no Estado de Australia de Queensland.

Descrición[editar | editar a fonte]

A topografía xeral da illa é plana cunha elevación máxima de 150 metros. A illa está bordeada por bosques de mangleiros e contén 10 esteiros, todos próximos a condición prístina.[1]

A poboación estimábase en 1.007 habitantes en 2001 e a maioría dos cidadáns viven no municipio de Gununa. A illa de Mornington inclúese no área do goberno local de Shire of Mornington. A maioría dos insulares son aborixes.

Lardil (ou Kunhanaamendaa)[2] son o grupo de clans predominantes na Illa de Mornington e son os propietarios tradicionais da terra e os mares circundantes. O clan Kaiadilt chegou máis recientemente (1947) desde a próxima illa Bentinck, cando o fornezo de auga desa illa foi contaminado polo sal logo dun ciclón. A Fundación James Fraser, unha organización sen fins de lucro en Queensland, emprendeu traballos recentes de reconstrución de vivendas aborixes.

Historia[editar | editar a fonte]

Un selo de correos co lanzamento do paracaídas navideño de 1943 á Misión da Illa Mornington

Recoletores de Makassar viaxaron miles de quilómetros desde Sulawesi a illa Mornington e outros destinos australianos continentais en busca de pepinos de mar. O cabo oriental da illa foi nomeado Cabo Van Diemen por Anthony van Diemen. O Comandante Matthew Flinders nomeou á illa por Richard Wellesley 1º Marqués de Wellesley, que era coñecido como o Conde de Mornington.[3]

A oficina de correos de Gununa abriu en 1892.[4]

O aeroporto da illa de Mornington era un campo de aviación temporal usado pola RAAF e as forzas aéreas aliadas durante a Segunda Guerra Mundial.

A subincisión do pene realizouse tradicionalmente na illa para aqueles que queren aprender a complexa linguaxe cerimonial chamada Damin.

En 1978, o Goberno de Queensland decidiu facerse cargo do control tanto das reservas aborixes de Aurukun e illa Mornington.

Os ciclóns golpean rutinariamente a illa.

Clima[editar | editar a fonte]

Datos climáticos para Mornington Island (1914-present)
Mes Xan Feb Mar Abr Mai Xuñ Xul Ago Set Out Nov Dec Anual
Temperatura máxima en °C 38,3 37,6 37,7 37,3 34,9 33,6 32,2 34,5 38,0 38,7 39,0 39,8 39,8
Media máxima en °C 32,2 31,9 31,9 31,4 28,8 25,8 25,7 27,7 30,3 32,3 33,3 33,2 30,4
Media mínima en °C 25,5 25,4 24,6 23,2 20,2 17,1 16,2 17,2 20,6 23,7 25,7 26,2 22,1
Temperatura mínima en °C 19,5 20,0 19,0 12,8 5,5 7,0 5,1 7,2 11,7 12,6 18,5 20,0 5,1
Precipitación media mm 326,8 307,0 260,2 54,0 9,0 6,5 2,3 0,8 1,3 12,7 55,8 157,7 1 198,7
Media de días con precipitacións (≥ 0.2 mm) 15,2 14,2 12,2 4,3 1,4 0,9 0,5 0,7 0,8 1,5 4,6 9,6 65,9
Fonte: Bureau of Meteorology [5]

Notas[editar | editar a fonte]

  1. "Estuary Assessment 2000: Basin: Mornington Island". Australian Natural Resources Atlas. Department of the Environment, Water, Heritage and the Arts. Consultado o 2009-08-29. 
  2. https://researchonline.jcu.edu.au/971/2/02whole.pdf
  3. "Mornington Shire". Queensland Places. Centre for the Government of Queensland, University of Queensland. Consultado o 29 de xuño de 2014. 
  4. Premier Postal History. "Post Office List". Premier Postal Auctions. Consultado o 10 de maio de 2014. 
  5. "Climate Statistics for Mornington Island". Climate statistics for Australian locations. Bureau of Meteorology. Consultado o 6 April 2014. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]