Illa Maupiti
| Maupiti | |
|---|---|
| Maurua | |
 | |
 Localización do atol | |
| Situación | |
| País | Francia |
| Colectividade de ultramar | Polinesia Francesa |
| Arquipélago | Illas da Sociedade |
| Mar | Océano Pacífico |
| Coordenadas | 16°25′S 152°15′O / -16.417, -152.250Coordenadas: 16°25′S 152°15′O / -16.417, -152.250 |
| Xeografía | |
| Xeoloxía | Atol |
| Superficie | 13´5 km² |
| Punto máis alto | 380 m. Mont Teurafaatui |
| Demografía | |
| Capital | Vaiea |
| Poboación | 1.234 (2012) |
| Densidade | 91´41 hab./km² |
Maupiti é un pequeno atol de coral cunha illa volcánica no medio dela, atópase nas illas de Sotavento das illas da Sociedade, na Polinesia Francesa. É a illa máis occidental do arquipélago, a 40 km ao oeste de Bora Bora.
Maupiti consiste nunha illa de 380 m de altitude que se atopa no medio dunha lagoa rodeada por cinco illotes baixos e uns escollos de coral (animal) e aberta ao océano por dous pasos navegables. A superficie terrestre é de 11 km², o total de todo atol é de 13´5 km².
A vila principal é Vaiea, cunha poboación total de 1.234 habitantes no censo do 2012. A actividade principal é o cultivo de sandías e a recolección de copra. O templo protestante é o centro relixioso e social da illa, aínda que os adventistas e os mormóns teñen tamén os seus lugares de culto.
Atópanse vestixios arqueolóxicos datados ao redor do ano 850 dC. Trátase de petróglifos representando tartarugas, anzois e colgantes de dentes de cachalote que son comparables aos atopados en Nova Zelandia, pero anteriores. O primeiro europeo que a viu foi o neerlandés Jacob Roggeveen en 1722. Historicamente a illa tivo unhas relacións estreitas con Bora Bora. Ao principio do século XIX quedou baixo a soberanía do gran xefe de Bora Bora. En 1877 entrou en conflito coa illa veciña por litixios sobre o atol Manuae, e pediu o protectorado francés.
Historicamente coñecíase co nome de Maurua, e Domingo Boenechea en 1775, chamouna San Antonio.
