Saltar ao contido

Illa Kanton

Na Galipedia, a Wikipedia en galego.
Modelo:Xeografía físicaIlla Kanton
(en) Kanton Editar o valor en Wikidata
Imaxe
TipoAtol
limestone island (en) Traducir Editar o valor en Wikidata
Parte deIllas Fénix Editar o valor en Wikidata
Situado na entidade xeográficaIllas Fénix Editar o valor en Wikidata
Localización
División administrativaIllas Fénix, Kiribati Editar o valor en Wikidata
Mapa
 2°48′38″S 171°40′32″O / -2.8105555555556, -171.67555555556
Bañado porocéano Pacífico Editar o valor en Wikidata
Características
Superficie9,15 km² Editar o valor en Wikidata
Historia
Data de descuberta ou invención1824 Editar o valor en Wikidata
Proxección orográfica centrada na Illa Kanton

Illa Kanton (tamén coñecida como Canton ou Abariringa), anteriormente coñecida como Illa Mary, Illa de Mary Balcout ou Illa Swallow, é a illa máis grande, a máis setentrional e en 2020, a única illa habitada das Illas Fénix, na República de Kiribati. É un atol situado no Océano Pacífico Sur aproximadamente a medio camiño entre Hawaii e Fidxi, unha localización que outrora a fixo vantaxosa como escala aérea. A illa ten unha lonxitude de 33 km., é unha estreita franxa de terra arredor dunha lagoa, unha superficie de 40 km². O veciño máis próximo de Cantón é a deshabitada Illa Enderbury, 63 km ao oeste-suroeste. A capital de Kiribati, Tarawa Sur, atópase a 1.765 km ao oeste. En 2015, a poboación era de 20 habitantes, fronte aos 61 habitantes do ano 2000.[1][2] A única aldea da illa, Tebaronga, está situada no punto noroeste, debaixo da pista de aterraxe.

Kiribati declarou a Área Protexida das Illas Phoenix en 2006, e o parque ampliouse en 2008. A reserva mariña de 425.300 km² contén oito atois de coral, incluído Canton.[3][4] Debido a que está habitada, a xestión da illa de Canton descríbese no Plan de Sostibilidade do Uso dos Recursos de Cantón (KRUSP), que abrangue un radio de 22 km. arredor do atol. Máis do 50 % da illa e da lagoa están protexidas nunha zona de conservación.[5]

Historia e características

[editar | editar a fonte]

Kanton foi descuberta varias veces por barcos baleeiros estadounidenses, dos cales o primeiro foi anterior a 1820. Na década de 1850, Gran Bretaña reclamou a súa soberanía sobre a illa. Kanton recibiu o nome do navío baleeiro "Canton", o cal ancorou na illa o 4 de marzo de 1854.

O reclamo oficial británico comezou o 6 de agosto de 1936. Realizáronse visitas anuais á illa, e o 31 de agosto de 1937 emprazáronse 2 estacións de radio.

O 8 de xullo de 1937, Kanton foi o sitio dun eclipse solar total, e a illa foi ocupada por un breve período de tempo por científicos estadounidenses e neozelandeses, membros dunha expedición da National Geographic Society. O líder desta expedición foi o astrónomo Samuel Alfred Mitchell.

A pesar da reclamación británica, sete estadounidenses desembarcaron na illa o 7 de marzo de 1938. Ambas as nacións continuaron a ocupación da illa ata abril de 1939, cando Washington e Londres acordaron unha ocupación conxunta por outros 50 anos, conformando o condominio internacional das illas Kanton e Enderbury.

A aeroliña internacional estadounidense Pan American World Airways chegou á illa o 18 de maio de 1939 para construír instalacións para voos a Nova Zelandia. Este servizo comezou o 12 de xullo de 1940 co hidroavión Boeing 314 Clipper. O 4 de decembro de 1941, realizouse o primeiro e último voo civil antes da guerra con destino a Nova Caledonia.

Durante a segunda guerra mundial, a mariña dos Estados Unidos construíu unha pista de aterraxe no lugar; así, Kanton converteuse en punto de escala para o Servizo de Transporte Aéreo da Mariña entre Australia e Nova Zelandia. Tamén se utilizou como punto de ataque ás Illas Gilbert, ocupadas polo Xapón.

Logo da guerra, en novembro de 1946, Pan Am restableceu os servizos de voo entre Australia e Nova Zelandia vía Kanton con avións Douglas DC-4. O servizo continuou ata 1958, cando o DC-4 foi substituído polo Douglas DC-7C.

En 1960, unha estación de seguimento foi construída para o proxecto Mercurio. Foi utilizada durante novembro de 1965. O abandono pola NASA da illa fixo que se convertese nunha cidade pantasma. O aeroporto foi deixado a mans dun encargado, para que puidese ser utilizado en urxencias. 1968 marcou o final da presenza estadounidense na illa, o aeródromo foi abandonado e o encargado foi retirado. Os británicos tamén finalizaron a súa presenza, pechando a súa oficina de correos.

Tras a independencia e recoñecemento da soberanía de Kiribati, a oficina de correos foi reaberta, coa recolocación dunhas poucas persoas dos atois máis poboados das Illas Gilbert na illa.

Xeografía, flora e fauna

[editar | editar a fonte]

Flora e fauna de Canton

[editar | editar a fonte]

Canton describiuse como tendo a forma dunha gran costeleta de porco.[6] Desde os seus puntos noroeste a sueste hai unha distancia de 14,5 km, mentres que o bordo terrestre varía en anchura de 50-600 m. e 1,5-7 m. en elevación. A esquina sueste da illa coñécese como "Punta Pirámide". As únicas entradas á lagoa están no lado oeste, e a canle principal presenta correntes de 6-8 nós m/s.[7] A lagoa en si está chea de vida mariña, albergando 153 especies diferentes de peixes,[8] incluíndo atún, tiburón, arraias e anguías. Unha estrada sen asfaltar rodea a illa, aínda que o seu estado actual de conservación é incerto. O Aeroporto da Illa de Canton (IATA: CIS, ICAO: PCIS) atópase na esquina noroeste da illa, pero actualmente carece de servizo comercial regular. O número do Índice Portuario Mundial da Illa de Cantón é 56025.[9]

Entrada á lagoa da Illa de Kanton. O sitio da aldea está á esquerda.

Gran parte da superficie terrestre de Canton é coral espido, escasamente cuberto de herbas e herba baixa, atópanse árbores e arbustos preto do sitio da aldea. Segundo a obra de Edwin H. Bryan, *American Polynesia and the Hawaiian Chain*, Canton posuía en 1941 un total de doce especies de vexetación autóctonas, incluíndo herbas baixas e herbas en acios, unha espesa masa de arbustos *Scaevola* no lado sur da illa (2-3 m de altura), algúns arbustos *Suriana* preto da entrada da lagoa, árbores de heliotropo (*Heliotropium foertherianum*) e *kou* (*Cordia subcordata*) e palmeiras *Cocos*.[6][10] Geoffrey Buddle, da expedición neozelandesa para a eclipse solar de 1937, informou de 23 especies de aves en Canton, xunto con... Ratas polinesias, lagartos, cangrexos ermitáns e tartarugas. Atopáronse dúas especies de arañas na illa.[11]

Corais Hydnophora rigida en Kanton, parte da Área Protexida das Illas Fénix

Non hai auga doce en Canton, agás a auga de choiva capturada en cisternas; Pan American World Airways tiña unha gran planta de destilación desalación na illa cando operaba alí durante as décadas de 1940 e 1950. As precipitacións son escasas, cunha media de 221–914 mm. entre 1938 e 1953,[12] aínda que informes posteriores suxiren un clima máis húmido nos últimos anos.

Notas

[editar | editar a fonte]
  1. ↑ "Pacific Regional Statistics - Secretariat of the Pacific Community" (PDF). www.spc.int. Consultado o 4 de xuño de 2017.
  2. ↑ Morate, Orebwa (1 de setembro de 2016). "2015 Population and Housing Census" (PDF). Bairiki: National Statistics Office. Arquivado dende o orixinal (PDF) o 30 de setembro de 2013. Consultado o 21 de xaneiro de 2021.
  3. ↑ Howard, Brian Clark (16 de xuño de 2014). "Pacific nation bans fishing in one of world's largest marine parks". National Geographic News. Arquivado dende o orixinal o 19 de xuño de 2014. Consultado o 15 de maio de 2015.
  4. ↑ "Phoenix Islands Protected Area". Government of Kiribati. Arquivado dende o orixinal o 1 de decembro de 2007. Consultado o 25 de xaneiro de 2015.
  5. ↑ Adam Smith, Paul Marshall, Nathan Cook (decembro 2017). "Kanton Resource Use Sustainability Plan". ResearchGate. doi:10.13140/RG.2.2.34466.99528.
  6. 1 2 Resture, Jane. "Canton Island (Kanton - Abariringa) Phoenix Group, Kiribati". Arquivado dende o orixinal o 05 de abril de 2015. Consultado o 25 de xaneiro 2015.
  7. ↑ Degener & Gillaspy, p. 2.
  8. ↑ Coral and Fish Summary, pcrf.org "Phoenix Islands". Arquivado dende o orixinal o 22 de novembro de 2008. Consultado o 29 de xuño de 2008.
  9. ↑ "World Port Index" (PDF).
  10. ↑ Bryan, p. 46.
  11. ↑ Degener & Gillaspy, pp. 47–48.
  12. ↑ Degener & Gillaspy, p. 5.

Véxase tamén

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=Illa_Kanton&oldid=7148304»