Illa Graham Bell

Na Galipedia, a Wikipedia en galego.
Saltar ata a navegación Saltar á procura
Graham Bell
Остров Греэм-Белл
Kara sea ZFJGB.PNG
Localización da illa Graham Bell na Terra de Francisco Xosé
Map of Graham Bell Island and Wilczek Land-en.svg
Map of Franz Josef Land-en.svg
Mapa da illa e do arquipélago
Situación
PaísRusia Rusia
ÓblastÓblast de Arkhanguelsk
ArquipélagoTerra de Francisco Xosé
MarMar de Kara
Coordenadas80°52′N 64°17′O / 80.867, -64.283Coordenadas: 80°52′N 64°17′O / 80.867, -64.283
Xeografía
Superficie1.557 km²
Longura máxima69 km.
Largura máxima36 km.
Perímetro441 km.
Punto máis alto509 m. Kupol Vetrenyy
Demografía
PoboaciónDeshabitada (salvo base militar)

A Illa Graham Bell (Ruso: Остров Греэм-Белл, Octrov Gryeem-Bell) é unha illa localizada na Terra de Francisco Xosé, Rusia.

Xeografía[editar | editar a fonte]

A illa Graham Bell é unha das illas máis grandes do grupo. Atópase ao leste de Zemlya Vilcheka (Terra de Wilczek), separada dela por un estreito coñecido como o Estreito de Morgan, (Пролив Моргана; Proliv Morgana). Tamén é a illa máis oriental da Terra de Francisco Xosé. Cabo Kohlsaat, o punto máis oriental do arquipélago nas coordenadas 81°14′N 65°10′L / 81.233, -65.167, atópase na costa oriental da illa Graham Bell. O Cabo Kohlsaat marca o recuncho máis ao noroeste do mar de Kara e é un importante fito xeográfico. Unha parte dela está ocupada por un glaciar.

O punto máis alto da illa de Graham Bell, é o monte Kupol Vetrenyy (Купол Ветреный) "Cima ventosa". Un gran glaciar cobre a parte occidental da illa.[1]

Esta illa foi chamada así polo inventor Alexander Graham Bell. A illa de Graham Bell non debe ser confundida coa illa máis pequena Illa Bell (illa Campá) que tamén forma parte da Terra de Francisco Xosé e que se chama así pola súa forma, non pola persoa.[2][3]

Historia[editar | editar a fonte]

A illa de Graham Bell foi a base dun posto avanzado na guerra fría e do campo de aviación Greem Bell no extremo nordés da illa. É o aeródromo máis grande do arquipélago. Ten unha pista de 2.100 m de longo. Os avións rusos de carga e de combate aterraron regularmente aquí desde os anos cincuenta. A pista era utilizable só nos 8 meses co terreo suficientemente conxelado. Antes de pechalo tamén foi utilizado para viaxes turísticas en helicóptero ao redor do ártico ruso como parada e base de reabastecemento. A base pechouse totalmente en 1994. Comezou a caer en ruínas e pechouse posteriormente aos visitantes civís.[4] En 2012, a Forza Aérea Rusa decidiu reabrir o aeródromo de Graham Bell como parte dunha serie de reaperturas de bases aéreas no Ártico.[5]

Illas adxacentes[editar | editar a fonte]

Notas[editar | editar a fonte]

  1. "Kupol Vetrenny". Mapcarta. Consultado o 6 de outubro de 2016. 
  2. "Copia arquivada". Arquivado dende o orixinal o 03 de agosto de 2017. Consultado o 27 de agosto de 2017. 
  3. http://www.franz-josef-land.info/index.php?id=651&L=5
  4. Graham Bell (Greem Bell) Island, Severnaja - Franz-Josef-Land. Franz-josef-land.info.
  5. "Russia to build more Arctic airfields". IHS Janes. Consultado o 19 de xaneiro de 2014. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

  • Lista de illas e illotes rusos (en ruso): [1]