Igrexa nativa americana
| Igrexa nativa americana Native American Church | |
|---|---|
 Símbolo da Igrexa nativa americana | |
| Historia | |
| Fundación | século XIX en Territorio de Oklahoma |
| Fundador | Quanah Parker[1] |
| Motivo | Sincretismo |
| Separada de | Peiotismo da gran lúa |
| Demografía e cultura | |
| Fieis | c. 250.000-300.000 |
| Países | Estados Unidos, Canadá e México |
A Igrexa nativa americana (en inglés: Native American Church; NAC), tamén coñecida como peiotismo e relixión do peiote, é unha relixión nativa americana sincrética que mestura as crenzas nativas americanas tradicionais con elementos do cristianismo, especialmente os relativos aos Dez Mandamentos, e o uso sacramental do peiote. A relixión xurdiu no Territorio de Oklahoma (1890–1907) a finais do século XIX, despois de que o peiote fose introducido no sur das Grandes Chairas dende México.[2][3] No presente, é a máis estendida relixión indíxena entre os nativos americanos dos Estados Unidos (agás entre os nativos de Alasca e os hawaianos), no Canadá (especialmente entre as Primeiras Nacións de Saskatchewan e Alberta), e México, cun estimado de 300.000 seguidores.[4][5][6][7][8]
Historia
[editar | editar a fonte]
Historicamente, moitas denominacións do cristianismo tradicional tentaron converter os nativos americanos ao cristianismo no hemisferio occidental. Estes esforzos tiveron éxito parcial, porque as prácticas relixiosas, incluídas as da Igrexa nativa americana, de moitas tribos nativas americanas reflicten credos cristiáns. Aínda que a conversión ao cristianismo foi un proceso lento, os principios da Igrexa nativa americana foron máis facilmente aceptados.[9]
Orixinalmente formada no Territorio de Oklahoma, a Igrexa indíxena americana é monoteísta, crendo nun ser supremo chamado o Grande Espírito. Foi creado oficialmente en 1918. Os principios da Igrexa nativa americana consideran o peiote como un sacramento sagrado e utilízano como un medio para comunicarse co Grande Espírito (Deus), tamén coñecido como o Creador.[9]
Crenzas da igrexa
[editar | editar a fonte]Crese que as doenzas e a morte son o resultado dun desequilibrio no individuo. Ademais do peiote, outras plantas sagradas, a oración e o xaxún úsanse para curar este desequilibrio. O uso do peiote nunca é con fins recreativos e os efectos alucinóxenos da planta considéranse visións espirituais. Para a maioría dos nativos americanos, as visións son unha comuñón co metafísico. Porén, non todos os membros experimentan efectos alucinóxenos durante os rituais do peiote. A planta está destinada a curar ou solucionar problemas sociais, persoais e comunitarios. Os membros cren que a planta é segura para nenos e mulleres embarazadas.[10]
Relación co cristianismo
[editar | editar a fonte]A algúns nativos americanos non lles gustan as crenzas do cristianismo debido á historia entre os nativos e os grupos cristiáns europeos. Os intentos dos misioneiros de alterar ou eliminar aspectos da herdanza e cultura dos nativos americanos deixaron a moitos incapaces de reconciliarse co cristianismo. Por outra banda, algúns membros están cómodos cunha forma espiritual sincrética que combina as súas formas indíxenas con algúns aspectos do cristianismo. A igrexa incluíu na súa formación características protestantes.[11]
Notas
[editar | editar a fonte]- ↑ Hagan, William T. Quanah Parker, Comanche Chief. Vol. 6. University of Oklahoma Press, 1995.
- ↑ "Christ and the Cactus: A Study of Peyotism among the Canadian Sioux" (PDF). www.facstaff.bucknell.edu. Arquivado dende o orixinal (PDF) o 20 de xuño de 2014.
- ↑ "Native American Church". Encyclopædia Britannica. Consultado o 5 de marzo de 2015.
- ↑ "Native American Church". Consultado o 5 de marzo de 2015.
- ↑ "World Religions & Spirituality – Native American Church". Arquivado dende o orixinal o 2 de abril de 2015. Consultado o 5 de marzo de 2015.
- ↑ "University of Virginia Library". Religiousmovements.lib.virginia.edu. 2006-09-07. Arquivado dende o orixinal o 14 de decembro de 2007. Consultado o 2011-07-09.
- ↑ "A Brief History of the Native American Church". CSP. 1996. Arquivado dende o orixinal o 21 de agosto de 2007. Consultado o 14 de febreiro de 2007.
- ↑ Thompson, Darren (2023-03-03). "Leaders of Native American Church Pressure Biden Administration for Protections of Peyote Habitat". Native News Online (en inglés). Consultado o 2023-12-20.
- ↑ 9,0 9,1 Walthill, Wynema Morris. "Native American Church". Encyclopedia of the Great Plains. University of Nebraska–Lincoln. Consultado o 28 de xuño de 2017.
- ↑ Jones, Peter N. (2007). "The Native American Church, Peyote, and Health: Expanding Consciousness for Healing Purposes". Contemporary Justice Review 10 (4): 411. doi:10.1080/10282580701677477.
- ↑ Wenger, T. (2017). Religious Freedom: The Contested History of an American Ideal. University of North Carolina Press. p. 127. ISBN 978-1-4696-3463-0. Consultado o 2023-03-01.
Véxase tamén
[editar | editar a fonte] |
Wikimedia Commons ten máis contidos multimedia na categoría: Igrexa nativa americana  |
 |
A Galipedia ten un portal sobre: Pobos indíxenas de América |
Outros artigos
[editar | editar a fonte]Bibliografía
[editar | editar a fonte]- Aberle, David F. (1991) [1982]. The Peyote Religion among the Navajo. With Harvey C. Moore e Denis F. Johnston (2nd ed.). Norman, Ok; Londres: University of Oklahoma Press. ISBN 0-8061-2382-6.
- Hayward, Robert (2011). The Thirteenth Step: Ancient Solutions to the Contemporary Problems of Alcoholism and Addiction using the Timeless Wisdom of The Native American Church Ceremony. Native Son Publishers Inc. ISBN 978-0983638407.
- Slotkin, J.S (1952). Menomini peyotism : a study of individual variation in primary group with a homogeneous culture. Philadelphia : American Philosophical Society.
- Stewart, Omer C. (1987). Peyote Religion: A History. Norman, Ok; Londres: University of Oklahoma Press. ISBN 978-0-8061-2068-3.
Ligazóns externas
[editar | editar a fonte]- Listing of Native American Churches (en inglés)
- American Ethnography – The use of Peyote by the Carrizo and Lipan Apache tribes (en inglés)
- "Native American Church, Encyclopedia of the Great Plains (en inglés)
