Igrexa de San Miguel de Bouzas

Na Galipedia, a Wikipedia en galego.
Saltar ata a navegación Saltar á procura
Igrexa de San Miguel de Bouzas
Igrexa Bouzas.jpg
Igrexa de San Miguel
Datos xerais
TipoIgrexa parroquial
AdvocaciónSan Miguel
LocalizaciónRúa de Sebastián Elcano, 24, 36208 Bouzas, Vigo, Pontevedra
CoordenadasCoordenadas: 42°12′37.9″N 8°43′32.7″O / 42.210528, -8.725750
Culto
CultoCatólico
DioceseTui-Vigo
Orde relixiosa(orde relixiosa)
Arquitectura
Construciónséculo XVI
editar datos en Wikidata ]

A Igrexa de San Miguel de Bouzas é un templo cristián ergueito na segunda metade do século XVI e reedificado no século XVII que se atopa na vila de Bouzas (hoxe pertencente ao concello de Vigo) á beira da praia (antigamente nunha pequena península que entraba no mar, hoxe perdido co recheo). A poucos metros atopamos a famosa pérgola de Jenaro de la Fuente Álvarez.

Descrición[editar | editar a fonte]

Trátase dun edificio feito en cantaría de perpiaños graníticos galegos cunha planta rectangular e cunha ábsida semicircular e cuberta a dúas augas. A torre-campanario sitúase a un lado da fachada. No exterior aparece o escudo de armas da familia Peña e da familia Correa, e precisamente foi o capitán Álvaro Correa, o que a mandou construír a igrexa en 1596. Tamén aparece nun dos laterais unha fornela coa imaxe do San Miguel. A porta de entrada arránxase cun arco de volta perfecta e un frontón triangular rematado con tres pináculos. Por riba da porta o muro posúe un van en forma de óculo que permite a entrada de luz no interior do templo. O interior é simple, e salientan as imaxes do Cristo dos Aflixidos ou do Paso da pesca milagreira.

Historia[editar | editar a fonte]

Disque xa existía unha capela no lugar no ano 1371, cando Henrique II de Trastámara, concedeu o privilexio sobre Bouzas, á mitra de Tui. Existen tamén documentos dos anos 1400 do cabido de Tui que se trasladou a Bouzas por mor da peste. Xa no século XVI a poboación de Bouzas medrara moito, porén para asistir aos actos relixiosos tiñan que se trasladar á parroquia de San Martiño de Coia. É cando no ano 1542, estes suxestiónanlle ao prelado Diego Muñoz de contruír unha igrexa con cemiterio baixo a advocación de San Miguel.

En 1589 os corsarios ingleses, capitaneados por Francis Drake arrasan Lisboa, Vigo e Bouzas, destruíndo totalmente a igrexa. En 1596, o capitán Álvaro Correa ordena a súa reconstrución na zona do Cruceiro Vello, unha pequena península á beira da praia. De esta igrexa aínda hoxe podemos ollar a ábsida, a sancristía, a primeira arcada e a entrada lateral. No século XVII a igrexa foi bombardeada dende o mar en varias ocasións por navíos estranxeiros. Reedifícase en 1697 por Manuel Troncoso de Ojea e a súa irmá Isabel; no interior aínda se pode ollar un medallón que referencia este feito A igrexa tamén gardou parte dos tesouros da Batalla de Rande. Neste percorrer dos séculos foi agrandándose e modificándose, mais a estrutura principal segue sendo a orixinal do século XVI.

Galería de imaxes[editar | editar a fonte]

Fachada e porta. 
Dende a praia. 
Placa aos mortos no mar. 
Imaxe de San Miguel nunha fornela do muro. 
Lateral da igrexa. 

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]