Igrexa de San Fiz de Cangas

Na Galipedia, a Wikipedia en galego.
Saltar ata a navegación Saltar á procura
Igrexa de San Fiz de Cangas
San Fiz de Cangas 1.jpg
Porta principal da igrexa.
Datos xerais
TipoIgrexa parroquial
Coordenadas42°29′11.61″N 7°38′27.87″O / 42.4865583, -7.6410750Coordenadas: 42°29′11.61″N 7°38′27.87″O / 42.4865583, -7.6410750
Culto
CultoCatólico
DioceseLugo
Arquitectura
Construciónséculo XII
EstiloVisigodo e románico
editar datos en Wikidata ]

A igrexa de San Fiz de Cangas, é un templo relixioso situado na parroquia de San Fiz de Cangas, no concello lugués de Pantón. É o único que queda dun mosteiro de orixe visigótica. Como mosteiro de monxas bieitas aparece citado en documentos dos anos 1180 e 1119; en 1289 recibe doazón de dona Urraca Iáñez e, no ano 1515, é anexionado ó mosteiro compostelán de San Paio de Antealtares.[1]

Arquitectura[editar | editar a fonte]

A igrexa é de arquitectura románica do século XII, con elementos de transición. A planta exteriormente aparenta ser de cruz latina, pero ten unha soa nave con tres ábsidas poligonais, ante as cales se cruza outra nave.

A porta principal presenta un arco lixeiramente apuntado, e o seu tímpano vai decorado cuns relevos que representan o Sol e a Lúa cunha cruz grega no centro, baixo os cales represéntase unha estrela de oito puntas e uns rectángulos concéntricos.

A estrutura orixinal da igrexa foi modificada no século XVII ó suprimirse a ábsida lateral esquerda para albergar no seu lugar a capela de Torrenovais, da Casa de Espasantes, na que foi colocado o sepulcro de don Rodrigo López de Quiroga, cabaleiro de Santiago e comendador de Anguera; o sepulcro é de arcosolio, coa figura orante do defunto.[1]

Galería de imaxes[editar | editar a fonte]

 
 
 
 
 
 
 
 
 
 
 
 

Notas[editar | editar a fonte]

  1. 1,0 1,1 Rey Nóvoa, José Manuel (1992). Pantón. Editorial Everest. ISBN 84-241-9815-8.