Instituto Galego de Estudos Autonómicos
| Instituto Galego de Estudos Autonómicos | |
|---|---|
| Tipo | organización |
| Data de fundación | 20 de abril de 1987 |
| País | España |
| [ editar datos en Wikidata ] | |
O Instituto Galego de Estudos Europeos e Autonómicos, ou IGEA é unha asociación que ten por obxectivos promover o debate social e a reflexión de cariz político. Pola súa posición ideolóxica, así como a dos seus principais membros, atópase no espazo do nacionalismo de centro.
Historia[editar | editar a fonte]
O IGEA constituíuse o 20 de abril de 1987 baixo a forma xurídica de asociación. Tivo uns primeiros anos de intensa actividade, pero logo nos anos 90 entrou nunha fase de inacción, ata que a comezos de 2005 foi retomada para recuperar o seu espazo de debate.
O seu obxectivo é "investigar os factores políticos, económicos e sociais implicados no proceso de integración europea, de estudar o Estado autonómico e o seu desenvolvemento e perspectivas, así como analizar global e sectorialmente a autonomía galega en todos os seus ámbitos".
Os novos Estatutos (2005) actualizan os fins da institución: acadar un maior coñecemento na Galiza do proceso de integración europea e fornecer a cidadanía galega (...) das ferramentas técnicas precisas para profundar nel e defender no ámbito da UE os dereitos e intereses proprios da Galiza. Fomentar a participación dos cidadáns e axentes sociais (...) no proceso de construción europea e na afirmación dos dereitos dos pobos europeos e, sobranceiramente, das súas nacións sen estado. Achegar reflexións e coñecementos (...) ao proceso de construción do Estado plurinacional español e a afirmación nel dos dereitos nacionais da Galiza, entre outros.
Membros e dirixentes[editar | editar a fonte]
O IGEA sinala (ano 2006) que ten medio cento de socios. O seu presidente é Pablo González Mariñas, o vicepresidente Xoán Antón Pérez-Lema e o secretario xeral Xaime Vila.
Actividades[editar | editar a fonte]
A organización territorial de Galiza, os lumes forestais, o desenvolvemento da Galiza rural ou a consecución dun dominio galego en Internet son algunhas das liñas de estudo que quere seguir o Instituto.
Algunhas das principais actividades:
- 1987. First International Conference on centralization-decentralization in the world: problems and perspectives of comparative research, Illa da Toxa.
- 1988. Primeiro Simposio Internacional “da Europa dos Estados á Europa dos pobos”, unha aportación fondamente analítica á consolidación e proxección do nacionalísmo no novo paradigma da integración europea, Santiago de Compostela
- 1988 Primeiras Xornadas de Política Municipal , con carácter itinerante en Lugo, A Coruña, Ourense e Vigo.
- 1989 Segundas Xornadas de Política Municipal Santiago de Compostela
- 2006 Xornadas sobre “As seleccións deportivas autonómicas: unha visión galega”, 17-18 de febreiro en Oleiros.
- 2007. Xornadas sobre a implantación da Policía Autónoma en Galiza, 26 de xuño en Ourense.
- 2009. Simposio Ecolingua, 17-19 de decembro no Centro Social Novacaixagalicia de Vigo.