Huawei

Na Galipedia, a Wikipedia en galego.
Huawei
Huawei.svg
Tipo Privada
Fundación 1987
Localización Shenzhen Flag of the People's Republic of China.svg China
Fundador Ren Zhengfei
Persoas clave Ren Zhengfei (Presidente)
Industria Telecomunicacións
Produtos Teléfonos móbiles, equipamento de telecomunicacións
Número de empregados 140.000 (2012)
Páxina web www.huawei.com

Huawei Technologies Co. Ltd. (pronunciado /ˈhwɑːˌweɪ/) en (chinés simplificado: 華為技術有限公司, pinyin: Huáwei Jíshu Yǒuxiàn Gōngsī), ten a súa sede principal en Shenzhen, Guangdong, República Popular da China, é o maior fabricante de equipamento de redes e telecomunicacións na China, e un dos líderes mundiais nesta industria.

Foi fundada no ano 1987 por Ren Zhengfei ex oficial do exército chinés, Huawei é unha empresa privada de alta tecnoloxía propiedade dos traballadores e especializada en Investigación e Desenvolvemento (I+D ou I&D), produción, mercadotecnia de equipamento de comunicacións e fornece solucións de redes personalizadas para operadoras das industrias das telecomunicacións de todo o mundo.

Case a metade dos seus 140.000 traballadores adícanse a labores de investigación e desenvolvemento de tecnoloxía. Ten 20 centros de I+D en China, Estados Unidos, Alemaña, Suecia, México, India e Rusia.

Opera en máis de 140 países e con 45 dos 50 maiores operadores de telecomunicacións do mundo.

Historia[editar | editar a fonte]

Huawei Technology en Shenzhen, China

Huawei foi fundada por Ren Zhengfei en 1987, como distribuidor de produtos PBX importados, centrais telefónicas e servizos de telecomunicacións con un capital inicial de 24.000 Yuans. En 1989, Huawei comezou a desenvolver tecnoloxía propia PBX. Despois de acumular experiencia e recursos no negocio das centrais telefónicas, Huawei acadou o seu primeiro avance no mercado de telecomunicacións en 1993, lanzando o seu C&C08 switch dixital telefónico que tiña unha capacidade de máis de dez mil circuítos. Ata entón, as compañías de telecomunicacións domésticas chinas non eran quen de construír switchs con tal capacidade.

Huawei ten boa parte do seu mercado en China. No estranxeiro foi gañando cota de mercado cos anos con acordos con outras empresas do sector e gañando contratos con gobernos e grandes operadores de telecomunicacións. A súa condición de empresa chinesa independente de empresas occidentais e a vinculación do seu fundador co exército chinés tense empregado para acusar á empresa de falta de transparencia e de empregar tecnoloxía non suficientemente segura. En EE.UU. Australia ou en Reino Unido foron suspendidos contratos ou vetado a súa participación en proxectos de telecomunicacións por motivos de seguridade nacional[1] ou para protexer empresas nacionais do sector.

A competencia acusa a Huawei de ser unha empresa con mal servizo postvenda ou directamente de non telo.

En xullo de 2012 Huawei anunciou que estaba en negociacións con Ficosa para instalar na antiga fábrica de Sony en Viladecavalls (Barcelona) o seu centro de reparacións europeo[2]

Notas[editar | editar a fonte]

Véxase tamén[editar | editar a fonte]

Ligazóns externos[editar | editar a fonte]