Hovnan Derderian

Hovnan Derderian
Biografía
Nacemento	1 de decembro de 1957 (68 anos); Beirut
Arcebispo
	3 de maio de 2003 – ; Diocese: Diocese apostólica armenia dos Estados Unidos Occidentais
Datos persoais
Relixión	Igrexa apostólica armenia
Educación	Casa de Santo Estêvão, Oxford (pt)
Actividade
Ocupación	sacerdote, arcebispo
Consagración	Vazgen I (en)

Hovnan Derderian, nado como Vahram Derderian o 1 de decembro de 1957 en Beirut (Líbano),^[1] é un arcebispo apostólico armenio, actual primado da diocese dos Estados Unidos Occidentais, baixo a Santa Sé de Etchmiadzin.

Traxectoria

Entre 1970 e 1975 estudou no seminario teolóxico da Santa Sé de Cilicia, e posteriormente continuou os seus estudos no de Etchmiadzin.

O 8 de xuño de 1980 foi ordenado sacerdote célibe^{[nota 1]} polo catholicos Vazken I, e tomou o nome monástico de "Hovnan".^[1]

Entre 1980 e 1983 estudou Teoloxía no St Stephen's House da Universidade de Oxford. Logo de se graduar, ensinou Historia da Igrexa e Música Litúrxica no seminario de Etchmiadzin. En 1984 foi elevado a vardapet, ao obter o doutoramento en Teoloxía.

A partir de 1984 exerceu como pastor no Canadá, nunha igrexa de Toronto. En 1990 foi elixido primado da diocese do Canadá, e foi consagrado bispo o 7 de outubro de 1990 por Vazken I.^[1] En 1993 foi elevado a arcebipo. En 1995 e 2000 foi reelixido por segunda e terceira vez primado do Canadá.

O 3 de maio de 2003 foi elixido primado da diocese dos Estados Unidos Occidentais.

Notas

Notas

↑ Na Igrexa Apostólica Armenia os sacerdotes poden ser ordenados célibes ou, se levan un ano de matrimonio e teñen un fillo, casados. Os sacerdotes célibes, unha vez ordenados, non poden casar.

Referencias

1 2 3 Western Diocese Press, ed. (2008). History of the Western Diocese: 80 years of service 1927-2007. Burbank, California. p. 99. OCLC 263178824.

Véxase tamén

Ligazóns externas

Biografía na páxina web da diocese (páxina web actual) Arquivado 25 de setembro de 2018 en Wayback Machine.
Biografía na páxina web da diocese (antiga páxina web)
Perfil en Orthodoxia.ch

Títulos relixiosos
Predecesor: Vazken Keshishian	Primado do Canadá 1990 - 2003	Sucesor: Bagrat Galstanyan
Predecesor: Vatche Hovsepian	Primado dos Estados Unidos Occidentais 2003 - actualidade	Sucesor: (no cargo)

[2] Na Igrexa Apostólica Armenia os sacerdotes poden ser ordenados célibes ou, se levan un ano de matrimonio e teñen un fillo, casados. Os sacerdotes célibes, unha vez ordenados, non poden casar.

[80years-1] 1 2 3 Western Diocese Press, ed. (2008). History of the Western Diocese: 80 years of service 1927-2007. Burbank, California. p. 99. OCLC 263178824.

[1]

[nota 1]