Horatio C. Burchard

Na Galipedia, a Wikipedia en galego.
Saltar ata a navegación Saltar á procura
Horatio C. Burchard
History of Illinois Republicanism, embracing a history of the Republican party in the state to the present time with biographies of its founders and supporters also a chronological statement of (14744790496).jpg
Nacemento22 de setembro de 1825
Lugar de nacementoMarshall.
Seal of New York.svg Nova York.
Falecemento14 de maio de 1908 (82 anos)
Lugar de falecementoFreeport.
Seal of Illinois.svg Illinois.
NacionalidadeFlag of the United States.svg Estadounidense
Alma máterHamilton College logo.svg Hamilton College.
OcupaciónAvogado, político e alto funcionario.
Na rede
Find a Grave: 15571956 Editar o valor em Wikidata
editar datos en Wikidata ]

Horatio Chapin Burchard, nado en Marshall, Nova York, o 22 de setembro de 1825 e finado en Freeport, Illinois, o 14 de maio de 1908, foi un avogado, político estadounidense, membro da Cámara de Representantes por Illinois, director da Casa da Moeda dos Estados Unidos, membro do Instituto Internacional de Estatística e pai do Índice de Prezos ao Consumo (IPC).

Traxectoria[editar | editar a fonte]

Primeiros anos e formación[editar | editar a fonte]

Burchard naceu o 22 de setembro de 1825 en Marshall, condado de Oneida, Nova York, fillo de Frances Chapin e do diácono Horatio Burchard. En 1838, a familia trasladouse inicialmente a Aurora, Nova York, e logo a Beloit, Wisconsin, e en ambos os lugares estudou en diversas escolas públicas e privadas.[1][2][3]

En 1847 ingresou no Hamilton College, de Clinton, Nova York, onde se graduou en 1850. Cursou estudos de Dereito e foi admitido no Colexio de Avogados en 1852 para exercer nos tribunais de Wisconsin, para o que se asociou con J. W. Stewart. Logo de compaxinar o dereito cos labores de docente e de topógrafo para unha liña de ferrocarril, Burchard trasladouse a Freeport, Illinois, en 1853, onde estableceu a súa residencia e comezou a exercer a avogacía de xeito estable.[1][2][3]

Carreira política[editar | editar a fonte]

No ámbito da política, Burchard adheriuse ao Partido Republicano. En 1858 foi delegado na convención estatal republicana en Springfield e formou parte da Cámara de Representantes do Estado de Illinois entre 1863 e 1866. O 6 de decembro de 1869 resultou elixido como representante republicano no cuadraxésimo primeiro Congreso polo digalenastrito de Galena, inicialmente para cubrir a vacante deixada por E. B. Washburne, e logo foi reelixido catro veces máis, polo que exerceu este cargo ata o 3 de marzo de 1879.[1][2][3]

Durante o seu período na Cámara de Representantes foi membro do poderoso Comité de Medios e Arbitrios, no seo do cal presidiu o Subcomité de Ingresos Internos, que promoveu e debateu a primeira lei que propuña un imposto sobre a renda en tempos de paz.[1]

Director da Casa da Moeda[editar | editar a fonte]

Logo dun infrutuoso intento de reelección en 1878, o 5 de marzo do ano seguinte foi nomeado director da Casa da Moeda dos Estados Unidos polo presidente Rutherford B. Hayes, e Chester A. Arthur confirmouno no cargo en febreiro de 1884. O 30 de xuño de 1885 presentou a súa dimisión para retomar o exercicio da avogacía.[2][3][4]

Retrato de Horatio C. Burchard (ca. 1860-1865)

Como director da Casa da Moeda, Burchard propuxo a suspensión da cuñaxe do dólar de ouro, xa que a moeda era demasiado pequena para o seu uso monetario e estaba xa practicamente fóra da circulación, e tamén se lle instou á derrogación da lei que autorizaba a cuñaxe dos dólares de comercio. Así mesmo, dirixiu a emisión da serie do de moedas de prata do dólar de Hawai de 1883.[3]

Durante o seu mandato na US Mint, Burchard ingresou no Instituto Internacional de Estatística, e en 1900 foi o supervisor do censo do terceiro distrito de Illinois[1] e creou o Índice de Prezos ao Consumo (IPC), unha ferramenta moi manexada posteriormente nos negocios e na economía.[5]

Na súa condición de exdirector da ceca pública, Burchard foi membro das Comisións de Ensaios dos Estados Unidos de 1894, 1895, 1901 e 1903.[6]

Volta á avogacía[editar | editar a fonte]

En 1885 dimitiu do seu posto de director da ceca pública para exercer novamente a avogacía en Freeport, e foi membro da comisión encargada da revisión das leis de ingresos do Estado en 1885 e 1886. Tamén foi o encargado do xurado dos premios do departamento da minaría da Exposición Universal de Chicago de 1893.[1][2][3]

Vida persoal[editar | editar a fonte]

Burchard casou o 15 de maio de 1861 con Jane Lawver, de Lena, Illinois, finada en 1892, coa que tivo un único fillo.[1]

Faleceu en Freeport, Illinois, o 14 de maio de 1908, ao 82 anos de idade,[3] e foi soterrado no cemiterio de Oakland.[2][7]

Notas[editar | editar a fonte]

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Predecesor:
Henry Linderman
New US Mint Logo Black.svg
Director da Casa da Moeda dos Estados Unidos

1879-1885
Sucesor:
James P. Kimball