Hoboken, Xeorxia
| |||||
| Localización | |||||
|---|---|---|---|---|---|
| |||||
| Estado | Estados Unidos de América | ||||
| Estado federado | Xeorxia | ||||
County of Georgia (en)  | Condado de Brantley (pt)  | ||||
| Poboación | |||||
| Poboación | 480 (2020) (53,8 hab./km²) | ||||
| Número de fogares | 251 (2020) | ||||
| Xeografía | |||||
| Superficie | 8,921864 km² | ||||
| Auga | 0,4802 % (1 de abril de 2010) | ||||
| Altitude | 40 m | ||||
| Identificador descritivo | |||||
| Código postal | 31542 | ||||
| Prefixo telefónico | 912 | ||||
Hoboken é unha pequena cidade do condado de Brantley de Xeorxia, Estados Unidos.
Forma parte da Área estatística metropolitana de Brunswick, Xeorxia.
Xeografía[editar | editar a fonte]
Hoboken está situada no oeste do condado de Brantley, a 31° 10′ 58″ N e 82° 8′ 2″ O.[1]
A Ruta 82 dos Estados Unidos pasa pola cidade (chamada na localidade Main Street), que dista 14 km de Nahunta, a capital do condado, ao leste.
Segundo a Oficina do Censo dos Estados Unidos, Hoboken ten unha superficie total de 8,9 km2, dos cales 0,04 km2 (o 0,48 %), son augas.
Segundo o censo de 2020, a cidade tiña unha poboación de 480 habitantes,[2] polo que a súa densidade de poboación nese ano era de 54,06 hab./km2.
Historia[editar | editar a fonte]
O nome da cidade probablemente sexa copiado de Hoboken, Nova Jersey.[3]
A Asemblea Xeral de Xeorxia incorporou o lugar como a Cidade de Hoboken en 1920.[4]
Hoboken foi a primeira sede do condado de Brantley desde a formación do condado en 1920 até 1923, cando a sede foi transferida a Nahunta.[5]
Eventos culturais[editar | editar a fonte]
En Hoboken hai unha tradición continua de cantos periódicos da Arpa Sagrada que se mantén desde hai máis de 150 anos.[6] Estes inclúen actualmente cantos mensuais e unha convención anual. A Arpa Sagrada é un libro de música coral sacra, escrita usando o sistema da cuarta nota, que se orixinou en Nova Inglaterra e despois foi levado á rexión sur dos Estados Unidos no século XIX.[7]
Twin Oaks Park, situado a 6 km fóra de Hoboken, acolle dúas convencións cada ano de bluegrass (un xénero que pertence ao conxunto de músicas tradicionais estadounidenses, orixinado nos anos 1940 na zona dos Apalaches). É un campamento de propiedade privada, onde persoas de todas partes poden levar os seus vehículos e escoitar os sons melódicos da música bluegrass.
Notas[editar | editar a fonte]
- ↑ "US Gazetteer files: 2010, 2000, and 1990". United States Census Bureau. 12-02-2011. Consultado o 2 de agosto de 2022.
- ↑ "U.S. Census website". United States Census Bureau. Consultado o 2 de agosto de 2022.
- ↑ Krakow, Kenneth K. (1975): Georgia Place-Names: Their History and Origins. Macon, Xeorxia: Winship Press. ISBN 0-9154-3000-2, p. 110.
- ↑ Acts and Resolutions of the General Assembly of the State of Georgia. Clark & Hines, State Printers. 1920. p. 1003.
- ↑ Hellmann, Paul T. (13 de maio de 2013): Historical Gazetteer of the United States. Londres, Reino Unido: Routledge. ISBN 978-1-1359-4859-7, p. 240. Consultado o 2 de agosto de 2022.
- ↑ Kathryn Eastburn (2008): A Sacred Feast: Reflections on Sacred Harp Singing and Dinner on the Ground. Capítulo 5. Lincoln, Nebraska: University of Nebraska Press. ISBN 978-0-8032-1831-4.
- ↑ Sacred Harp Publishing Company.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Hoboken, Xeorxia |
Ligazóns externas[editar | editar a fonte]
- Sommers, Laurie Kay (2010): "Hoboken Style: Meaning and Change in Okefenokee Sacred Harp Singing". Southern Spaces ISSN 1551-275.
- Sacred Harp in Hoboken (Arpa sagrada en Hoboken). The Sacred Harp of Hoboken GA (en inglés).
- Twin Oaks Park.
