Ho Chi Minh

Na Galipedia, a Wikipedia en galego.
Ho Chi Minh
Ho Chi Minh 1946.jpg
Ho Chi Minh
Datos persoais
Nacemento 19 de maio de 1890
Falecemento 2 de setembro de 1969
Organización Partido Comunista de Indochina
Viet Minh
Fronte Nacional de Liberación
Partido Comunista de Vietnam
Profesión Político
Ho Chi Minh Signature.svg

Ho Chi Minh (vietnamita Hồ Chí Minh), de verdadeiro nome Nguyễn Sinh Cung, e coñecido como Bác Hồ (Tío Ho), nado o 19 de maio de 1890 e morto o 2 de setembro de 1969, foi un político e revolucionario vietnamita, e Presidente (1954 - 1969) de Vietnam do Norte.

Traxectoria[editar | editar a fonte]

Recibiu o nome de Nguyễn Tất Thành aos 10 anos. Aos 15 anos emigrou a Europa, onde se adheriu ó comunismo durante a súa estancia en Francia (1915 - 1923). En 1919, Ho Chi Minh tentou solicitar na conferencia de Versalles igualdade de dereitos para a colonia de Indochina. Membro fundador do PCF, trasladouse a Moscova. Mais tarde foi enviado polo Komintern a Hong Kong, onde fundou o Partido Comunista de Indochina tralas revoltas de 1930 en Vietnam.

Adoptou o nome de Ho Chi Minh (o que ilumina), e volveu ó seu país en 1941, formando o Viet Minh (Viet Nam Da Lap Dong Minh Hoi, Liga para a Independencia de Vietnam) ó que se adheriron grupos nacionalistas, quedando Vo Nguyen Giap ó mando dos grupos armados.

Declaración de Independencia e guerra[editar | editar a fonte]

O 2 de setembro de 1945 declarou a independencia de Vietnam, pero ao non aceptala os franceses na conferencia de Fontainebleau, en decembro de 1946 desatouse a guerra. Trala vitoria de Dien Bien Phu (7 de maio de 1954), foi proclamado Presidente da República Democrática de Vietnam. Ao non convocarse o referendo sobre a unificación dos dous estados, en 1959 ordenou o apoio ás guerrillas que xa actuaban dende o ano anterior en Vietnam do Sur, formando a Fronte Nacional de Liberación (FNL), o que provocou a intervención dos Estados Unidos, guerra que non vería rematada.

Mausoleo de Ho Chi Min en Hanoi

Durante moitos anos viviu nunha pequena casa, pese aos ofrecementos do goberno de trasladarse a un mellor domicilio.

En 1975 Saigón foi renomeada Cidade Ho Chi Minh.

Precedido por
Bảo Đại


Coat of arms of North Vietnam.svg
Presidente da República Democrática de Vietnam
2 Setembro 1945 – 2 Setembro 1969
Sucedido  por
Tôn Đức Thắng
Precedido por
Trần Trọng Kim


Coat of arms of North Vietnam.svg
Primeiro Ministro da República Democrática de Vietnam
2 Setembro 1945 – 20 Setembro 1955
Sucedido  por
Phạm Văn Đồng
Precedido por
Título novo


Flag of the Communist Party of Vietnam.svg
Presidente do Partido Comunista de Vietnam
1951 – 1969
Sucedido  por
Ninguén
Precedido por
Trường Chinh


Flag of the Communist Party of Vietnam.svg
Secretario Xeral do Partido Comunista de Vietnam
1956 – 1960
Sucedido  por
Lê Duẩn

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Ho Chi Minh

Ligazóns externas[editar | editar a fonte]