Hipólito Sinforiano Luengo
| Biografía | |
|---|---|
| Nacemento | 1868  Zamora, España |
| Morte | valor descoñecido |
| Actividade | |
| Ocupación | mestre |
Hipólito Sinforiano Luengo, nado en Zamora cara a 1868, foi un mestre asentado en Ourense.
Traxectoria
[editar | editar a fonte]Mestre e masón. Pertencía á Asociación Esperantista. En 1909 instalouse en Ourense xunto coa súa muller Teresa Roqueta para dirixir a Escuela Laica Neutral de Ourense creada no Xardín do Posío pola Agrupación Librepensadora de Ourense a instancias de emigrantes ourensáns na Arxentina. A escola foi sostida pola Unión Orensana en Cuba e a Unión Provincial Orensana de Buenos Aires.
Foi un dos fundadores da agrupación ourensá do Partido Republicano Radical en 1909, da que foi nomeado secretario.[1] En marzo de 1912 foi denunciado e condenado por ofensa aos sentimentos relixiosos por non descubrirse ante o Viático,[2] condena que foi recurrida en casación ante o Tribunal Supremo, que tamén condenou a Hipólito.[3] A consecuencia da folga xeral de 1917, foi detido a mediados de agosto.[4] A escola Laica Neutral mantívose ata o golpe de Estado do 18 de xullo de 1936, cando Hipólito e Teresa foron detidos. Hipólito Luengo foi sancionado polas autoridades golpistas e depurado como mestre. Foron trasladados a Barcelona.[5]
Vida persoal
[editar | editar a fonte]Casou con Teresa Roqueta Dalmau, de Llagostera.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Fernández Cid, José Manuel (1988). "La Escuela Laica Neutral de Ourense en el marco de las relaciones educativas de los emigrantes gallegos (1909-1836)". Historia de las Relaciones Educativas entre España y América. Sevilla: Universidad de Sevilla. pp. 346–355.
- Fernández Cid, José Manuel (1989). Apuntes da nosa historia escolar no oitenta aniversario da creación da Escola Laica Neutral. Ourense: Concello de Ourense. ISBN 84-86868-06-8.