Hilaria Mukapuli
Nome orixinal | Hilaria Ndiiwana Mukapuli |
---|---|
Biografía | |
Nacemento | 4 de abril de 1969 Lüderitz, (Namibia) |
Datos persoais | |
País de nacionalidade | namibiana |
Actividade | |
Ocupación | política |
Partido político | Organización do Pobo de África do Suroeste |
Hilaria Ndiiwana Mukapuli, nada en Lüderitz, Namibia, o 4 de abril de 1969,[1] é unha traballadora autónoma que, na actualidade, é a alcaldesa da súa cidade natal, representando ao seu partido político, a Organización do Pobo de África do Suroeste.[2]
Traxectoria[editar | editar a fonte]
Nada en Lüderitz, estudou na Diaz Primary School (Lüderitz), na Olunho Secondary School e na Nangolo Secondary School (todos estes nomes cambiaron desde entón).[1] En 1983 trasladouse a vivir á rexión norteña de Oshana, regresando posteriormente á súa cidade natal.
En Lüderitz comezou a súa su carreira profesional traballando como procesadora de peixe na factoría NovaNam,[1] empresa filial de Nueva Pescanova.[3]
É administradora da súa empresa familiar, asesora comunitaria e realizadora de tests rápidos do VIH para o Ministerio de Saúde, e traballadora social comunitaria para unha ONG onde ofrece apoio e asesoramento psicolóxico a moitas persoas, como nais VIH positivas, ademais de pagar as taxas escolares para nenos vulnerábeis.[1]
Mukapuli foi elixida como conselleira do Concello de Lüderitz en 2010 e, en 2013, foi elixida coordinadora do partido SWAPO do distrito de Lüderitz, cargo que segue a desempeñar o día de hoxe.[1] En 2015 foi elixida alcaldesa de Lüderitz,[1] sucedendo a Suzan Ndjaleka.[4] Calvin Mwiya, conselleiro de SWAPO, foi reelixido como presidente do comité de xestión, mentres que Shipola Shihepo e Johannes Abraham, ambos do SWAPO, foron reelixidos como membros do comité de xestión. Willem Gumede, de SWAPO, e Elizabeth Wilskut, da Alianza Democrática Turnhalle (hoxe Movemento Popular Democrático), foron reelixidos como membros ordinarios do consello.[4]
Hilaria Mukapuli declarou, ao ser elixida alcaldesa, que os meus obxectivos principais son a vivenda accesíbel para todos e a industrialización da nosa pequena cidade costeira, mellorar o saneamento para os asentamentos informais, e traballar cara a un ambiente sustentábel; ademais, dixo que quería incrementar o número de investimentos locais e internacionais na cidade.[4]
Mukapuli prometeu traballar continuamente xunto cos outros conselleiros, e instou aos residentes de Lüderitz a abrazar os avances ou os logros que o consello alcanzou ao longo dos anos, a pesar dos recortes orzamentarios que afectaron á implantación de certos proxectos. "Independentemente dos retos do día a día, debemos, segundo a lei das autoridades locais, continuar creando un ambiente propicio para os residentes, visitantes e potenciais investidores para que poidamos desenvolver a nosa cidade colectivamente", dixo Mukapuli. En 2018 foi reelixida como alcaldesa.[4]
Notas[editar | editar a fonte]
- ↑ 1,0 1,1 1,2 1,3 1,4 1,5 Hilaria Ndiiwana Mukapuli New Era (Windhoek), 1 de novembro de 2016. Consultado o 2 de agorto de 2019.
- ↑ Lara Graña (2 de maio de 2017). "Pescanova sienta cátedra en Lüderitz". Faro de Vigo. Arquivado dende o orixinal o 30 de maio de 2020. Consultado o 31 de xullo de 2019.
- ↑ Astilleros Armon entrega al Grupo Nueva Pescanova el barco Lalandii 1, el primero de su nueva flota para Namibia en nuevapescanova.com.
- ↑ 4,0 4,1 4,2 4,3 Tuulikki Abraham (27 de novembro de 2018): Namibia: Hilaria Mukapuli Re-Elected Luderitz Mayor. New Era (Windhoek). Consultado o 29 de xullo de 2019.