Heorhiy Narbut

Heorhiy Narbut
	;
Biografía
Nacemento	9 de marzo de 1886 ; Narbutivka (Imperio Ruso)
Morte	23 de maio de 1920 (34 anos); Kíiv (Unión Soviética)
Causa da morte	Tifo
Lugar de sepultura	Cemitério de Baikove (pt)
Datos persoais
País de nacionalidade	Imperio Ruso ; República Popular de Ucraína
Educación	Universidade Estatal de San Petersburgo
Actividade
Lugar de traballo	Kíiv (1917–1920); Múnic (1909–1910); San Petersburgo (1900–1917)
Ocupación	artista gráfico , pintor , deseñador , ilustrador , debuxante
Xénero artístico	Gráficos
Familia
Irmáns	Vladimir Narbut (en)
	Sinatura

Heorhiy Narbut (ucraíno: Георгій Іванович Нарбут) nado en Narbutivka o 25 de febreiro de 1886 e finado en Kíiv o 23 de maio de 1920, foi o deseñador gráfico ucraíno máis importante do século XX.^[1] É tamén chamado Georgy Narbut e George Narbut.

Ilustrador de prensa e de libros, é coñecido por deseñar o escudo da República popular de Ucraína, así como dos seus billetes e selos postais. Era irmán dun senlleiro poeta do acmeísmo, Vladimir Narbut.

Traxectoria[editar | editar a fonte]

Heorhiy Narbut naceu na aldea Narbutivka, Imperio ruso (agora Ucraína), non lonxe de Hlukhiv. A súa familia descía da antiga nobreza lituana e o seu irmán, Vladimir Narbut, foi un senlleiro poeta do acmeísmo.

Aínda que na súa formación pictórica comezara sendo autodidacta, contra os vinte anos, estableceuse en San Petersburgo, onde morou entre 1906 e 1917. Alí estudou con pintores Ivan Bilibin e Mstislav Dobuzhinsky, e no 1909, Narbut continuou os seus estudos en Múnic, na escola de Simon Hollósy. Despois de que o seu regreso a San Petersburgo integrouse na organización Mir iskusstva. No 1910-1912 Narbut ilustrou os contos de fadas de Hans Christian Andersen, e as fábulas de Ivan Krylov, entre outros contos populares.

En marzo do ano 1917, no contexto da Revolución de Febreiro, Narbut trasladouse a Kíiv, incorporándose pronto como docente da Academia Ucraína de Artes, da que chegaría a ser reitor. Foi nese tempo cando deseñou os billetes e selos da República Popular de Ucraína, recentemente fundada. Narbut tamén traballado nas revistas ucraínas: Nashe Mynule (O noso pasado), Zori (Estrelas), e Sontse Truda (O Sol do Traballo) entre outras. Morreu de tifo en 1920.

A bailarina Marina Berezowsky (1914-2011) era a súa filla, e destacou no ballet de Australia.^[2]