Heaven or Las Vegas é o sexto álbum de estudio da banda escocesa de rock alternativoCocteau Twins, publicado o 17 de setembro de 1990 a través do selo 4AD. A pesar de que o presidente do selo, Ivo Watts-Russell, dixera que era un dos mellores lanzamentos da compañía, a finais de 1990 liberou o grupo do seu contrato con 4AD porque a súa relación coa banda deteriorárase.
Heaven or Las Vegas chegou ao número 7 da lista británica de álbums e ao 99 da Billboard 200 estadounidense,[1][2] converténdose no lanzamento máis exitoso do grupo. O álbum levaba vendidas 235 000 copias en 1996, segundo Billboard.[3] O disco foi incluído no libro 1001 Albums You Must Hear Before You Die,[4] e foi votado número 218 na terceira edición de All Time Top 1000 Albums de Colin Larkin.[5] En 2020, Rolling Stone colocouno no número 245 da súa lista dos 500 mellores álbums de todos os tempos.[6]
O álbum foi votado como 18º dos 100 mellores álbums de rock e pop de Escocia en 2003 e foi o foco dun programa da BBC Scotland, Classic Scottish Albums en 2007.[7] A pesar de que o presidente de 4AD, Ivo Watts-Russell, o proclamou como un dos mellores lanzamentos do seu selo, liberou ao grupo do seu contrato a finais de 1990 porque a súa relación coa banda se deteriorara.
