Hans-Rudolf Merz
 (2008)  | |
| Biografía | |
|---|---|
| Nacemento | 10 de novembro de 1942 (81 anos) Herisau, Suíza (pt)  |
| Vice-Presidente da Confederação Helvética (pt) | |
| 1 de xaneiro de 2009 – 31 de decembro de 2009 | |
| Presidente da Confederación Helvética | |
| 1 de xaneiro de 2009 – 31 de decembro de 2009 ← Pascal Couchepin (pt) – Doris Leuthard → | |
| Member of the Swiss Federal Council (en) | |
| 1 de xaneiro de 2004, 10 de decembro de 2003 – 1 de novembro de 2010, 31 de outubro de 2010 ← Kaspar Villiger (pt) – Johann Schneider-Ammann → | |
| Member of the Swiss Council of States (en) | |
| 22 de setembro de 1997 – 9 de decembro de 2003 | |
| Datos persoais | |
| País de nacionalidade | Suíza |
| Relixión | Igrejas Reformadas (pt) |
| Educación | Universidade de São Galo (pt) |
| Actividade | |
| Lugar de traballo | Berna |
| Ocupación | político , economista |
| Partido político | Partido Liberal Radical da Suíça (pt) Partido Radical Democrático |
| Lingua | Lingua alemá |
| Participou en | |
| 21 de xaneiro de 2004 | World Economic Forum Annual Meeting 2004 (en) |
Hans-Rudolf Merz, nado o 10 de novembro de 1942 en Herisau, é un político suízo, orixinario da comuna de Beinwil am See (cantón de Argovia). É membro do Partido Radical Democrático e un dos sete conselleiros federais.
Carreira[editar | editar a fonte]
Realizou os seus estudos medios (Gymnasium) en Trogen, tralo cal fixo unha carreira de economista na Universidade de Sankt Gallen. Ocupou varios cargos no lexislativo da cidade de Herisau ata 1967. De 1967 a 1969 foi asistente e en 1969 converteuse en secretario do partido radical de Sankt Gallen e director da sociedade industrial Appenzell Exterior, cargo que exerceu ata 1974, ano no que pasou a ser vice-director do centro de formación da UBS en Wolfsberg, cargo ocupado até 1977.
De 1977 a 2003 traballou de xeito independente, foi conselleiro de empresas, participou en varios consellos de administración, e o seu lugar de traballo atopábase no Medio Oriente, África do Sur, América Latina e Europa.
Consello dos Estados[editar | editar a fonte]
Foi elixido ao Consello dos Estados en 1997, trala asemblea de cidadáns (Landsgemeinde). Na votación foi sostido pola Unión Democrática do Centro (UDC), o Partido Demócrata Cristián e algunhas seccións radicais locais. No parlamento fixo parte da bancada dos radicais.
Foi elixido ao Consello Federal o 10 de decembro de 2003 tras unha elección polémica, pois substituíu a unha das dúas únicas mulleres no goberno. Dende o 1 de xaneiro de 2004, dirixiu o Departamento Federal de Finanzas (DFF).
Merz sostivo unha reforma fiscal, que perdeu o referendo do 16 de maio de 2004. Máis tarde presentou ao parlamento medidas destinadas a redirixir as finanzas federais e actualmente a simplificar o sistema fiscal suízo.
Tralas eleccións federais do 12 de decembro de 2007, Merz foi reelixido por un novo período lexislativo (de catro anos) co mellor resultado de todos os candidatos. Obtivo 213 de 233 votos válidos na Asemblea Federal. O 13 de decembro do mesmo ano, Merz foi elixido vicepresidente da Confederación para o ano 2008 por 193 votos de 211 válidos. O 10 de decembro de 2008 foi elixido presidente da Confederación por 185 votos de 209 válidos.
Ligazóns externas[editar | editar a fonte]
 |
Commons ten máis contidos multimedia sobre: Hans-Rudolf Merz |
| Predecesor: Kaspar Villiger |
 Conselleiro Federal 2004– |
Sucesor: - |
