Hannibal Lecter
| Hannibal Lecter | |
|---|---|
| Tipo | personaxe humano de ficción, personaxe literario, personaxe cinematográfico e personaxe de televisión  |
| Obra | |
| Creador/a | Thomas Harris |
| Interpretado por | Brian Cox, Anthony Hopkins, Gaspard Ulliel e Mads Mikkelsen |
| Biografía | |
| Lugar de nacemento | Kaunas |
| Data de nacemento | 20 de xaneiro de 1933 |
| Sexo | home |
| Linguas faladas | lingua lituana, lingua inglesa, lingua italiana, lingua alemá, lingua xaponesa e lingua castelá |
| Actividade | |
| Inimigo/a | Will Graham, Jack Crawford e Paul Krendler |
| Ocupación | psiquiatra, asasino en serie e caníbal |
| Familia | |
| Parella | Clarice Starling e Will Graham |
| [ Wikidata ] | |
Hannibal Lecter é unha personaxe ficticia da serie de novelas creadas por Thomas Harris. A personaxe de Lecter apareceu por primeira vez no ano 1981 na novela Red Dragon como un psiquiatra forense e un asasino en serie caníbal. A novela e a súa secuela, The Silence of the Lambs, presenta a Lecter como un dos principais antagonistas, ademais dos dous asasinos en serie que aparecen en cadansúa novela. Na terceira novela, Hannibal, Lecter convértese en protagonista. O seu papel como antiheroe xorde na cuarta novela, Hannibal Rising, que explora a infancia e a súa conversión nun asasino en serie.
A primeira adaptación ó cinema das novelas de Harris foi Manhunter (baseada en Red Dragon) que está protagonizada por Brian Cox como Lecter, escrito "Lecktor" no filme. En 1991, Anthony Hopkins gañou o Oscar ó mellor actor pola súa interpretación da personaxe en O silencio dos cordeiros. Retomou o papel en Hannibal en 2001 e en Red Drago en 2002.
A serie de televisión da NBC Hannibal estreouse en 2013, e céntrase no desenvolvemento da relación entre Lecter e o axente do FBI Will Graham. Na serie, Lecter é interpretado polo actor dinamarqués Mads Mikkelsen, que gañou un Premio Saturn pola súa interpretación.
