Haka

A haka é unha danza tradicional e berro de guerra do pobo maorí de Nova Zelandia. É unha forma de danza que se representa en grupo, con movementos rexos, petando os pés contra o chan e con berros rítmicos de acompañamento.^[1]

A haka de guerra era orixinalmente interpretada polos guerreiros antes da batalla, proclamando a súa forza e poder co obxectivo de amedrentar os inimigos. Porén, a haka tamén se realiza por outras razóns: dar a benvida a convidados distinguidos, para recoñecer grandes logros, en funerais, e os grupos de kapa haka son moi comúns nas escolas.

Os equipos deportivos de Nova Zelandia realizan a haka antes dos encontros internacionais e a haka fíxose moi coñecida a nivel mundial. Esta tradición comezou coa selección de fútbol de Nova Zelandia de 1888–89,^[2] e foi continuada pola selección de rugby de Nova Zelandia (os All Blacks) dende 1905.

Notas

↑ O grupo de xente que interpreta a haka é chamado kapa haka (kapa significa ringleira ou posición). A verba maorí haka ten conatos noutras linguas polinésicas, por exemplo: en tongano, haka significa 'xesto das mans mentres se canta'; en samoano sa'a, en tokelauano haka, en rarotongano 'aka, en hawaiano ha'a.
↑ "THE HAKA". allblacks.com (en inglés). Consultado o 5 de abril de 2021.

Véxase tamén

Outros artigos

Cultura maorí

[1] O grupo de xente que interpreta a haka é chamado kapa haka (kapa significa ringleira ou posición). A verba maorí haka ten conatos noutras linguas polinésicas, por exemplo: en tongano, haka significa 'xesto das mans mentres se canta'; en samoano sa'a, en tokelauano haka, en rarotongano 'aka, en hawaiano ha'a.

[2] "THE HAKA". allblacks.com (en inglés). Consultado o 5 de abril de 2021.

[1]

[2]