Hadrian Esteves
| Biografía | |
|---|---|
| Nacemento | 1989  (36/37 anos)Palas de Rei, España |
| Grupo étnico | Pobo galego |
| Educación | Universidade de Santiago de Compostela Universidade de Vic Universidade de Londres |
| Actividade | |
| Ocupación | músico, investigador, docente |
 | |
Adrián Estévez Cebreiro, coñecido artisticamente como Hadrian Esteves (Palas de Rei, 1989), é un músico, investigador e docente galego afincado en Copenhague. É coñecido polo seu proxecto de post-punk e darkwave Pulsations. Dende 2024 tamén forma parte da banda dinamarquesa de rock gótico Nightlight. A súa obra abrangue tamén estilos como o metal extremo, o post-metal, a música electrónica e a música tradicional galega. Foi cofundador de Final Embrace Records, un selo especializado en lanzamentos de metal underground en formato analóxico.[1]
A súa música foi editada en formato vinilo, CD, casete e dixital por selos discográficos internacionais como Drakkar Productions (Francia), Swiss Dark Nights (Suíza), Crunch Pod (Estados Unidos) ou Senkrecht Records (Hungría), entre outros.
Traxectoria
[editar | editar a fonte]Esteves comezou os seus estudos musicais na Escola de Música Municipal de Palas de Rei e no grupo de música tradicional O Palacio do Rei, continuando logo no Conservatorio Profesional de Música de Melide. En 2011 graduouse en Maxisterio na especialidade de Educación musical pola Universidade de Santiago de Compostela, e cursou estudos de musicoloxía na Universidad de La Rioja. Obtivo o mestrado en musicoterapia pola Universitat de Vic en 2013.
Completou a súa formación con estudos avanzados en liderado educativo en institucións internacionais como o University College London, onde obtivo un máster en Advanced Educational Practice, e en Harvard University, onde cursou o Certificate in School Management and Leadership. Tamén posúe o National Professional Qualification for Senior Leadership, outorgado polo Department for Education do Reino Unido. Na actualidade é líder en innovación e aprendizaxe e director do departamento internacional nun centro educativo multilingüe de Copenhague adscrito ao modelo Cambridge International Education da Universidade de Cambridge.[2]
Pulsations
[editar | editar a fonte]Pulsations é o proxecto en solitario fundado por Hadrian Esteves en 2020, centrado na mestura de post-punk, coldwave, EBM e minimal synth. A súa música destaca polo uso de sintetizadores analóxicos, ambientación escura e letras existenciais.
O proxecto debutou co sinxelo Pulsations / Bedwarfing Virtues (2020, Crunch Pod), seguido por Of Vultures and Sickles (2021, Crunch Pod) e o EP Neglected Synapses & The Hedonic Paradox (2021, Crunch Pod). En abril de 2023 publicou o seu primeiro álbum completo, Tainted Covenant (2023, Swiss Dark Nights).
Recepción crítica
[editar | editar a fonte]Tainted Covenant foi amplamente recoñecido en medios especializados:
- Post-Punk.com definiuno como "unha obra mestra de lirismo e musicalidade".[3]
- ArtNoir incluíuno entre os cinco álbums favoritos do ano.[4]
- Darkitalia colocouno no seu Top 50 de álbums de 2023.[5]
- Dark Life Experience situouno no posto número 5 da súa listaxe anual.[6]
- O blog Darkenin Heart publicou unha extensa entrevista co músico.[7]
Estilos e proxectos paralelos
[editar | editar a fonte]Alén de Pulsations e Nightlight, Hadrian Esteves participou en proxectos musicais diversos:
- En bandas de metal extremo como The Last Twilight, Black Goat, Merciless Warfare e Skullkrusher.
- No proxecto de post-metal e ambient Kalte Sonne (2015–2016).
- No proxecto de indie electrónico e synth-pop HÆC (2017–2018).
- En agrupacións de música tradicional galega como O Palacio do Rei, a Banda Xuvenil de Palas de Rei e a Orquestra Sinfónica de Melide.
Discografía
[editar | editar a fonte]Como Pulsations
[editar | editar a fonte]- Pulsations / Bedwarfing Virtues (2020, Crunch Pod)
- Of Vultures and Sickles (2021, Crunch Pod)
- Neglected Synapses & The Hedonic Paradox (2021, Crunch Pod)
- Tainted Covenant (2023, Swiss Dark Nights)
Compilacións destacadas
[editar | editar a fonte]- X Marks The Goth (2023) – versión acústica de "Neglected Synapses"
- After the Flames – A Benefit for Recovery (2023, Crunch Pod)
- SenkWaves – A Senkrecht Compilation (2022, Senkrecht Records)
Con outros grupos
[editar | editar a fonte]- Con The Last Twilight: oito lanzamentos entre 2003 e 2014
- Con Black Goat: Blood Ritual (2003), Death Ritual (2010)
- Con Merciless Warfare: Satanic Liturgies Of Destruction (2009), Unholy Extermination Squad (2009)
- Con Kalte Sonne: Terra Incognita (2015)
- Con HÆC: Soon (2017), Turn Around / Relief (2018), How You Feel (2018)
Publicacións
[editar | editar a fonte]- Estévez, Adrián (2011). Orffan Rock. Ames: Asociación Educativa Cultural Musicrearte. Cap. 17. ISBN 978-84-939257-4-1.
- Estevez, Adrian (2025). Singing Science: Using Music to Boost Language Learning and Inclusion in International Classrooms. ICT Connect Magazine, ICT Academy, vol. 16, nº 6 (xuño 2025), páx. [s/d]. ISSN 2394-3904. Texto completo.
Notas
[editar | editar a fonte]- ↑ "Final Embrace Records". Encyclopaedia Metallum. Consultado o 18 de xuño de 2025.
- ↑ "ORCID de Adrián Estévez Cebreiro". Consultado o 18 de xuño de 2025.
- ↑ "Listen to Danish Darkwave Act Pulsations' New Album "Tainted Covenant"". Post‑Punk.com. abril de 2023. Consultado o 18 de xuño de 2025.
- ↑ "Pulsations – Tainted Covenant". ArtNoir. 2023. Consultado o 18 de xuño de 2025.
- ↑ "Best Albums 2023: Top 50". Darkitalia. 2023. Consultado o 18 de xuño de 2025.
- ↑ "Top 20 Most Impressive Albums 2023". Dark Life Experience. 2023. Consultado o 18 de xuño de 2025.
- ↑ "Pulsations fill Darkenin Heart". Darkenin Heart. abril de 2023. Consultado o 18 de xuño de 2025.
