HAL Dhruv
| HAL Dhruv | |
|---|---|
 | |
| Tipo | helicóptero multipropósito |
| Fabricante | Hindustan Aeronautics Limited |
| Primeiro voo | 20 de agosto de 1992[1] |
| Introducido | marzo de 2002 |
| Produción | 1992-presente |
| Unidades construídas | 231 en febreiro de 2017[2] |
O HAL Dhruv é un helicóptero utilitario desenvolvido e fabricado na India por Hindustan Aeronautics Limited (HAL). O desenvolvemento do Dhruv foi anunciado por vez primeira en novembro de 1984, e foi deseñado coa axuda de MBB en Alemaña. O aparello voou por primeira vez no ano 1992; porén, o seu desenvolvemento prolongouse por múltiples factores, incluídos o requirimento do Exército Indio para facer cambios no deseño, restruicións no presuposto, e sancións á India despois das probas nucleares Pokhran-II de 1998.
O Dhruv entrou en servizo no ano 2002. Está deseñado para cumprir os requirimentos tanto de operadores militares como civís, estando as versións militares desenvolvidas para as forzas armadas da India, mentres tamén se desenvolveu unha variante para uso civil e comercial. O helicóptero foi exportado nun primeiro momento a Nepal e a Israel.[3]
As versións militares en produción inclúen variantes de transporte, utilitarios, recoñecemento e evacuación médica. Baseados na plataforma Dhruv, no presente están desenvolvéndose o HAL Light Combat Helicopter (LCH), un helicóptero de ataque, e o HAL Light Utility Helicopter (LUH), un aparello utilitario e de observación. En febreiro de 2017 producíranse 231 unidades do HAL Dhruv para distintos cientes.[2]
Notas[editar | editar a fonte]
- ↑ "Equipment - Dhruv". Indian Army. Archived from the original on 21 de outubro de 2014. Consultado o 1 de novembro de 2018.
- ↑ 2,0 2,1 "HAL to sign orders for 73 copters, 106 trainers". Business Standard. Consultado o 1 de novembro 2018.
- ↑ "HAL to hand over first export Dhruvs". Business Standard. Consultado o 1 de novembro de 2018.