Guntimil, Guntimil, Xinzo de Limia

Na Galipedia, a Wikipedia en galego.
Saltar ata a navegación Saltar á procura

Coordenadas: 42°01′07″N 7°45′31″O / 42.0185261, -7.7587328

Guntimil
Igrexa de San Xoán de Guntimil.jpg
Igrexa de San Xoán de Guntimil
ParroquiaGuntimil
ConcelloXinzo de Limia
Poboación75 hab. (2017)

Guntimil é un lugar da parroquia de Guntimil, no concello ourensán de Xinzo de Limia, na Comarca da Limia. Segundo o IGE, en 2017 tiña 75 habitantes.

Situación[editar | editar a fonte]

Antigo forno de Guntimil.
Pazo de Guntimil.

A aldea atópase ao pé do monte do Castelo e a uns cinco quilómetros da vila de Xinzo de Limia. Ó seu arredor están as aldeas de Gudes, Mosteiro e Lamas.

Patrimonio[editar | editar a fonte]

En Guntimil pódese observar como principal monumento a igrexa de San Xoán, unha das 9 igrexas que se conservan no concello de Xinzo de Limia e son un referente de arte románica da Limia. Grazas a unha inscrición situada a carón da porta lateral, coñécese a súa data de modificación e ampliación da nave que é en 1617.

Tamén conta cun pazo tradicional, que a día de hoxe están restaurando para alugar como casa rural para turistas e co antigo forno que xa non se lle da uso pero que se conserva como monumento antigo.

Economía[editar | editar a fonte]

A economía da poboación baséase principalmente na gandaría xa que hai diversas granxas de ovellas e porcos, máis unha industria do sector da maquinaria e a metalurxia. Tamén unha pequena parte da poboación son serradores.

Festas[editar | editar a fonte]

As festas parroquiais celébranse na fin de semana máis próxima ao 24 de xuño, día de san Xoán. O sábado faise unha sardiñada no campo da festa, acompañada de música, e o domingo hai unha procesión levando os santos dende a igrexa, dando volta pola aldea do lado e ó regresar celébrase unha misa.

Lugares e parroquias[editar | editar a fonte]

Lugares de Guntimil[editar | editar a fonte]

Lugares da parroquia de Guntimil no concello de Xinzo de Limia (Ourense)

Gudes | Guntimil

Parroquias de Xinzo de Limia[editar | editar a fonte]

Galicia | Provincia de Ourense | Parroquias de Xinzo de Limia

Boado (San Pedro) | Cima de Ribeira (San Miguel) | Damil (San Salvador) | Faramontaos (San Salvador) | Ganade (San Bartolomeu) | Gudín (San Miguel) | Guntimil (San Xoán) | Lamas (Santa María) | Laroá (Santa María) | Moreiras (San Tomé) | Morgade (San Tomé) | Mosteiro de Ribeira (Santa María) | Novás (San Nicolao) | Parada de Ribeira (San Salvador) | A Pena (San Pedro) | Piñeira Seca (Santo André) | San Pedro de Laroá (San Pedro) | Seoane de Oleiros (San Xoán) | Solbeira de Limia (San Pedro) | Xinzo de Limia (Santa Mariña)