Guntimil, Guntimil, Xinzo de Limia

Para outras páxinas con títulos homónimos véxase: Guntimil.

Guntimil
Igrexa de San Xoán de Guntimil
Parroquia	Guntimil
Concello	Xinzo de Limia
Coordenadas	42°01′07″N 7°45′31″O
Poboación	41 hab. (2022)
[ editar datos en Wikidata ]

Guntimil é un lugar da parroquia de Guntimil, no concello ourensán de Xinzo de Limia, na Comarca da Limia. No ano 2022 tiña 41 habitantes, dos cales 23 eran homes e 18 mulleres.

Situación

Antigo forno de Guntimil.

Pazo de Guntimil.

A aldea atópase ao pé do monte do Castelo e a uns cinco quilómetros da vila de Xinzo de Limia. Ó seu arredor están as aldeas de Gudes, Mosteiro e Lamas.

Patrimonio

En Guntimil pódese observar como principal monumento a igrexa de San Xoán, unha das 9 igrexas que se conservan no concello de Xinzo de Limia e son un referente de arte románica da Limia. Grazas a unha inscrición situada a carón da porta lateral, coñécese a súa data de modificación e ampliación da nave que é en 1617.

Tamén conta cun pazo tradicional, que a día de hoxe están restaurando para alugar como casa rural para turistas e co antigo forno que xa non se lle da uso pero que se conserva como monumento antigo.

Economía

A economía da poboación baséase principalmente na gandaría xa que hai diversas granxas de ovellas e porcos, máis unha industria do sector da maquinaria e a metalurxia. Tamén unha pequena parte da poboación son serradores.

Festas

As festas parroquiais celébranse na fin de semana máis próxima ao 24 de xuño, día de san Xoán. O sábado faise unha sardiñada no campo da festa, acompañada de música, e o domingo hai unha procesión levando os santos dende a igrexa, dando volta pola aldea do lado e ó regresar celébrase unha misa.

Lugares e parroquias

Lugares de Guntimil

Lugares da parroquia de Guntimil no concello de Xinzo de Limia (Ourense)
Gudes | Guntimil

Véxase tamén

Outros artigos

• Lugares de Xinzo de Limia