Guido Knopp

Guido Knopp

Biografía
Nacemento	29 de xaneiro de 1948 (76 anos) Treysa
Datos persoais
País de nacionalidade	Alemaña
Actividade
Campo de traballo	Historia de Alemaña
Ocupación	presentador de televisión , historiador , xornalista , profesor universitario
Empregador	ZDF
Lingua	Lingua alemá
Premios (2013)  Bavarian TV Awards (en) , premiado polo traballo ZDFzeit (en) (2004)  Golden Feather (en) (2004)  Goldene Kamera (2001)  Cruz de Oficial da Orde do Mérito da República Federal de Alemaña (1998)  Romy (1997)  Bavarian TV Awards (en) , premiado polo traballo ZDFzeit (en) (1990)  Cruz da Orde do Mérito da República Federal de Alemaña
Páxina web	guidoknopp.de

Guido Knopp, nado o 29 de xaneiro de 1948 en Treysa, Hesse, é un xornalista e escritor, coñecido en Alemaña polo seus diversos documentais, especialmente sobre o Terceiro Reich e o nacionalsocialismo, como tamén sobre o stalinismo.

Vida e obra

Logo de obter o doutoramento en historia e ciencias políticas, Knopp traballou para os xornais Welt am Sonntag e Frankfurter Allgemeine Zeitung. En 1978 entrou na televisión alemá, coa ZDF. Desde aquelas, produciu numerosos documentais sobre a ditadura Nazi, tales como Hitlers Helfer ("Os secuaces de Hitler"), Hitler-Eine Bilanz ("Hitler-Un balance") ou Die SS: Eine Warnung der Geschichte ("A SS: Un perigo da historia"), como tamén, por exemplo Vatikan (sobre o poder dos papas) ou Kanzler: Die Mächtigen der Republik (sobre os chanceleres posteriores á guerra). Tamén ten un show semanal na televisión alemá chamado "History". En 1999 produciu a serie chamada "100 Jahre - der Countdown", que resume ano por ano a historia do século XX, que é algunhas veces emitida pola cadea Phoenix.

Para o libro Top Spione: Verräter im Geheimen Krieg ("Top Espías: Traidores na guerra secreta") (1994), Knopp traballou co Servizo de Intelixencia Alemán e con varios vellos espías que contaron as súas experiancias.

A obra de Guido Knopp é criticada por ofrecer unha visión do Terceiro Reich demasiado superficialmente, rebaixando o papel da sociedade alemá que apoiou o réxime de Hitler, como tamén dos feitos da Wehrmacht na segunda guerra mundial.

No 2003 defendeu a Konrad Adenauer para ingresar da lista dos alemáns máis importantes, Unsere Besten, feita pola ZDF TV.

No 2004 recibiu unha Goldene Kamera.

No 2008 traballaba nunha película sobre Stauffenberg, sobre o seu intento de dar morte a Hitler.

Actualmente ensina xornalismo na Gustav-Siewerth-Akademie en Weilheim-Bierbronnen (Baden-Württemberg) e reside en Maguncia. A súa casa editorial é o grupo alemán de Random House (grupo Bertelsmann).