Gueral de Abaixo, Anfeoz, Cartelle

Gueral de Abaixo
Parroquia	Anfeoz
Concello	Cartelle
Coordenadas	42°13′35″N 8°00′23″O / 42.226444444444, -8.0064166666667
Poboación	37 hab. (2011)
	[ editar datos en Wikidata ]

Para outras páxinas con títulos homónimos véxase: Gueral e Abaixo.

Gueral de Abaixo é un lugar da parroquia de Anfeoz no concello ourensán de Cartelle na comarca da Terra de Celanova. Segundo o INE^[1] e o IGE^[2] en 2011 tiña 37 habitantes (20 homes e 17 mulleres), dous menos ca en 2010 (20 homes e 19 mulleres).

Xeografía

Gueral de Abaixo está situada a carón do regueiro da Teixeira que rega os seus campos e permiten o cultivo de regadío nas súas veigas. Ademais da agricultura, a apicultura é unha actividade de grande arraigo na aldea, que na actualidade ten colmeas repartidas por distintas zonas. A aldea atópase en proceso de concentración parcelaria dentro da zona do Mundil.

O monte comunal do Outeiro Maior ten 45 hectáreas. Nel hai piñeiros do país e pequenas zonas de carballos. Alí viven xabaríns, corzos e lobos, ademais dunha gran variedade de especies de mamíferos e aves.

Mitoloxía

Segundo a lenda, no Outerio das Meigas, ao leste da aldea, realizábanse de noite conxuros de meigas, logo das cales quedaban no lugar cabelos loiros debaixo das pedras.

Festas

O 29 de xuño celébrase a festa de San Pedro, venerado na capela da aldea veciña de Gueral de Arriba, na parroquia do Mundil.

Lugares e parroquias

Lugares de Anfeoz

Lugares da parroquia de Anfeoz no concello de Cartelle (Ourense)
Gueral de Abaixo \| Mirós \| A Pena \| Piñeira \| Sabuz \| Santa Baia de Anfeoz \| Soutelo \| A Teixeira \| Vilar da Ponte

Parroquias de Cartelle

Galicia \| Provincia de Ourense \| Parroquias de Cartelle
Anfeoz (Santa Baia) \| Cartelle (Santa María) \| Couxil (Santa María) \| Espiñoso (San Miguel) \| As Marabillas (Nosa Sra. das Marabillas) \| O Mundil (Santa María) \| Penela (Santiago) \| Sabucedo de Montes (San Pedro) \| San Tomé (Santa María) \| Sande (San Salvador) \| As Seixadas (San Xoán) \| Vilar de Vacas (Santa María)

Notas

↑ INE (ed.). "Instituto Nacional de Estadística. Nomenclátor. Relación de unidades poblacionales" (en castelán). Consultado o 5 de xaneiro de 2013.
↑ IGE (ed.). "IGE - Nomenclátor de Galicia – Cartelle – Anfeoz" (en galego). Arquivado dende o orixinal o 30 de decembro de 2020. Consultado o 5 de xaneiro de 2013.

[1] INE (ed.). "Instituto Nacional de Estadística. Nomenclátor. Relación de unidades poblacionales" (en castelán). Consultado o 5 de xaneiro de 2013.

[2] IGE (ed.). "IGE - Nomenclátor de Galicia – Cartelle – Anfeoz" (en galego). Arquivado dende o orixinal o 30 de decembro de 2020. Consultado o 5 de xaneiro de 2013.

[1]

[2]