Guéthary

Guéthary
	Getaria (eu)
Localización
	43°25′27″N 1°36′31″O / 43.42411, -1.60864
Estado	Francia
Divisións administrativas	Francia Metropolitana
Rexións	Aquitania-Lemosín-Poitou-Charentes
Departamento	Pireneos Atlánticos
Poboación
Poboación	1.315 (2022) (939,29 hab./km²)
Xeografía
Situado na entidade territorial estatística	Bayonne Functional Area (en) ; Q3550935
Superficie	1,4 km²
Bañado por	Mar Cantábrico
Altitude	40 m-0 m-73 m-35 m
Comparte fronteira con	Bidarte ; Saint-Jean-de-Luz
Organización política
Membro de	Communauté d'agglomération du Pays Basque (en)
Identificador descritivo
Código postal	64210
Fuso horario	UTC+01:00, horario estándar; UTC+02:00, horario de verán
Sitio web	guethary.fr

Getaria (en eusquera) / Guéthary (en francés) é un Concello do litoral francés de Iparralde, na provincia dos Pireneos Atlánticos (Nova Aquitania). Tiña unha poboación en 2022 de 1315 habitantes en 1,4 km². Limita ó norte con Bidart / Bidarte e ó sur con Saint-Jean-de-Luz (Donibane Loizune).

Xeografía

Hidrografía

A comuna é drenada polo Baldareta e dous pequenos regatos, cunha lonxitude total de 1 km.^[1]^[2]

Transportes

Estradas

Está atravesada pola RD 810 (antiga nacional 10). que conduce ó sur cara San Xoán de Luz e Hendaia, e ó norte cara Bidarte e Baiona.

Autoestrada

Está atravesada pola A63, mais sen conexión no concello.

Transporte ferroviario

A estación está na liña de Bordeos a Irún. Acolle paradas de trens TER Nova-Aquitania cara Bordeos, Dax ou Baiona ó norte e Hendaia ó sur.

Historia

Antigüidade

A descuberta en 1984, en zona próxima á estación de ferrocarril, de vestixios dunha fábrica de garum e salgados testemuña de presencia humana dende o 1º século, así como da importancia dos recursos mariños naquel entón. Asemade, foi atopado un epitafio en latín na contorna de dita fábrica no 1988.

Século XX

O ano 1905 lembrou moitos incidentes no seo do consello municipal, mesmo demandando a vixilancia das forzas de orde público. A oposición, que rexeitaba todas as propostas do alcalde e reclamaba a disolución do consistorio obtivo o que quería por decreto en 1906, pasando a ser os antes opositores alcalde e adxunto.

Cultura

Biblioteca

A biblioteca (Mediateca Norda) ocupa un pequeno edificio á beira da estación de ferrocarril. Ten (2025) uns 2000 volumes nunha única sala, sendo a mais pequena das mediatecas da Rhune.^[3] O local for renovado, rematando as obras en xaneiro de 2025 e tomando o nome de Norda en honra de André Auguste Hontaas, alcumado Norda.^[4]