Greg LeMond

Greg LeMond
Nome completo	Gregory James LeMond
Nacemento	26 de xuño de 1961
Lugar de nacemento	Lakewood
Nacionalidade	Estados Unidos de América
Alma máter	Earl Wooster High School
Ocupación	ciclista
Premios	L'Équipe Champion of Champions e United States Bicycling Hall of Fame
Na rede
http://www.greglemond.com
[ editar datos en Wikidata ]

Greg Lemond en 2009.

Greg Lemond, nado o 26 de xuño de 1961 en Lakewood, no condado dos Ánxeles (California), foi o primeiro ciclista non europeo en gañar o Tour de Francia.

Traxectoria

O seu primeiro gran triunfo foi o propio campionato do mundo de fondo en estrada en 1981. En 1984 participou no seu primeiro Tour e ficou terceiro. En 1985 acadou a segunda praza axudando ao líder do seu equipo Bernard Hinault a gañar o seu quinto Tour. Ao ano seguinte Greg Lemond atinxía a vitoria na volta francesa.

Un disparo accidental no peito mantívoo dous anos inactivo. No Tour de Francia de 1989 ripoulle a Laurent Fignon o liderado na derradeira etapa disputada contra o crono. A súa vantaxe de só oito segundos é a máis estreita na historia do Tour. Ese ano volveu a gañar o campionato do mundo de fondo en estrada. En 1990, fíxose co seu terceiro Tour sen gañar unha soa etapa.

Greg Lemond foi o prototipo do ciclista Tour, concentrando todos os esforzos da tempada nesa volta e deixando de afrontar outras carreiras prexudiciais para ese obxectivo. No Giro de Italia as súa mellores posicións foron terceiro en 1985 e cuarto en 1986.