Gonidio

Gonidios en repouso xerminando: A (aparece como "4") é de Ustilago receptaculorum; B é de Tilletia Caries. Na imaxe sp denota o gonidio e pm o promicelio.

En botánica o termo gonidio pode ter varios significados en liques, algas e bacterias:

• Nos liques denomínase gonidio a cada unha das células de algas que viven en simbiose no talo do lique.
• En algas, un gonidio é unha célula ou grupo de células reprodutoras asexuais. Os gonidios dalgunhas algas verdes son células vexetativas que aumentan de tamaño e divídense; por exemplo, en Volvox poden quedar flotando dentro do interior da colonia esférica.
• En bacterias os gonidios son células individuais móbiles liberadas por bacterias filamentosas da familia Leucotrichaceae. Tamén se denominan gonidios as esporas non-móbiles liberadas por algunhas cianobacterias.