Glicinia chinesa

Glicinia chinesa
Nome taxon     Wisteria sinensis Agustin Pyramus de Candolle 1825  Nome curto     W. sinensis (mul)
Instancia de taxon  Subclase de bine (en)  Uso planta medicinal febra alimento  Categoría taxonómica especie  Basónimo Glycine sinensis
Clasificación taxonómica
Reino Plantae  Orde Fabales  Familia Fabaceae  Tribo Wisterieae  Xénero Wisteria  Especie Wisteria sinensis DC., 1825 Wisteria sinensis
Localización  Área de distribución República Popular da China Pequín Provincia de Cantón Fujian Illas de Zhoushan
Fontes e ligazóns Freebase /m/06hs1b ITIS 27023 OTT 503587 CoL 9DQYB EOL 704193 WFO wfo-0000214070  Descrito pola fonte Flora Reipublicae Popularis Sinicae, volume 40 (en)  Páxina(s): 184
Wikidata G:Commons C:Commons

A glicinia chinesa ou wisteria chinesa^{[Cómpre referencia]} (Wisteria sinensis), é unha especie botánica de planta leñosa, leguminosa, caducifolia, perenne, rubideira do xénero Wisteria, endémica da China nas provincias de Guangxi, Guizhou, Hebei, Henan, Hubei, Shaanxi e mais Yunnan. Mentres esta planta é rubideira, pódeselle dar unha forma arbórea.

Descrición

Acada os 20–30 m de longo sobre árbores soporte, por pólas ziratorias e abrazadoras no sentido do reloxo.

Follas

A follaxe é mesta, integrada por follas verde brillantes, pinnadas, que acadan até 25 cm de longo, con 9-13 folíolos oblongos de 2–6 cm de longo.

Flores

Flores de glicinia chinesa

As flores son brancas, violetas, ou azuis, dispostas en acios pendurados de 15–20 cm de longo en primavera, usualmente acadando o seu pico a mediados de maio. As flores en cada acio abren simultaneamente antes da expansión da follaxe, presentando unha fragrancia semellante á uva; malia teren acios máis curtos ca Wisteria floribunda (Glicinia xaponesa).

Froitos

Son legumes achatadas, pardas, aveludadas, de 5–10 cm de longo, e sementes discoides de 1 cm de diámetro; madura no verán, e creban ceibando as sementes; as vaíñas baleiras fican na planta durante o inverno. A produción de sementes é baixa, e moito crecemento rexenerativo é por reprodución asexual (clonado). As sementes e vaíñas da glicinia xaponesa son moi velenosas se se insiren.

Observaciones

Glicinia e virxe no parque de Castrelos, en Vigo.

.

A zona de rusticidade de USDA é de 5-9, e gosta de solos húmidos. Considerada tolerante á sombra, pero só florece exposta ao sol de cheo ou parcialmente. Pode vivir máis de 100 anos.

Todas as partes da planta conteñen o glicósido chamado wisterina o cal é tóxico e se se insire pode provocar bocalladas, vómitos, dores de estómago e diarrea en adultos e a morte por envelenamento en rapaces producindo unha gastroenterite media a severa.

Foi levada da China a Europa e a Norteamérica en 1816, e se asegurou un lugar de popularidade nas rubideiras pola súa floración. Mais tamén pode ser unha especie invasora nalgunhas áreas do leste dos Estados Unidos onde o clima é semellante ao China.

Sinónimos

• Glycine sinensis Sims
• Kraunhia floribunda sensu auct., p.p.
• Millettia chinensis Benth.
• Rehsonia sinensis (Sims) Stritch
• Wistaria sinensis (Sims)DC.
• Wisteria chinensis DC.
• Wisteria floribunda sensu auct., p.p.
• Wisteria praecox Hand.-Mazz.