Gibson Explorer
Na Galipedia, a Wikipedia en galego.
A Gibson Explorer é unha guitarra eléctrica de corpo sólido fabricada por Gibson e presentada en 1958. Na data da súa aparición a Explorer ofrecía un deseño radical e "futurista", ao igual que a súa irmá, a Flying V. A Explorer foi o produto final do deseño dun prototipo que anos máis tarde Gibson comercializaría co nome de Futura.
Inicialmente a Explorer non tivo éxito, e a súa fabricación suspendeuse en 1959. En 1976 Gibson re-lanzou a guitarra despois de que outras marcas comezasen a ter éxito vendendo deseños semellantes. A Explorer fíxose moi popular especialmente entre os músicos de hard rock e heavy metal dos anos 70 e 80.
