Gertrud (filme)

Gertrud
Ficha técnica
Título orixinal	Gertrud
Director	Carl Theodor Dreyer
Produtor	Jørgen Nielsen
Guión	Carl Theodor Dreyer
Baseado en	Obra de Hjalmar Söderberg
Intérpretes	Nina Pens Rode; Bendt Rothe; Ebbe Rode; Baard Owe; Axel Strøbye
Música	Jørgen Jersild
Fotografía	Henning Bendtsen
Montaxe	Edith Schlüssel
Estudio	Palladium
Distribuidora	Film-Centralen-Palladium
Estrea	Francia: 19 de decembro de 1964; 1 de xaneiro de 1965
Duración	116 minutos
Orixe	Dinamarca
Xénero	Drama
Na rede

Gertrud é un filme dinamarqués de 1964 dirixido por Carl Theodor Dreyer. Baséase na novela homónima de 1906 escrita por Hjalmar Söderberg. O papel de Gertrud Kanning é interpretado por Nina Pens Rode, xunto con Bendt Rothe como o seu marido, Gustav Kanning, e Baard Owe como o seu amante, Erland Jansson.

Gertrud foi o último filme de Dreyer. Destaca polas súas moitas tomas longas, unha delas de case dez minutos con Gertrud e o seu ex amante, Gabriel, falando sobre os seus pasados. O filme estreouse con críticas diversas, mais agora está considerado unha das obras mestras de Dreyer. Foi escollido como candidato de Dinamarca para o Óscar ó mellor filme en lingua non inglesa na 38ª edición dos premios, mais finalmente non foi nomeado.^[1]

Sinopse[editar | editar a fonte]

Gertrud, que chegou a ser unha famosa cantante, decídese a abandonar o seu marido e marchar co seu amante. O día seguinte descobre que este a traizoou e iso impide que lle poida entregar un amor absoluto, polo que a muller abandona os dous e comeza unha vida en solitario, reflexionando sobre como o compromiso do amor é unha simple convención que non vai alén de tentar un límite que moitas veces non significa nada.